Актуально

 joomplu:6778
Биография Святейшего Патриарха Московского и всея Руси Кирилла
joomplu:5659
Просветительские курсы для мирян "Православие" Московского Сретенского монастыря и Сретенской духовной семинарии.
 
 
joomplu:5974
Святой Николай Угодник. Документальный фильм  
joomplu:7261
Частица святых мощей преподобного Александра Свирского, всея России чудотворца передана в дар Кокшетауской и Акмолинской епархии епископом Тихвинским и Лодейнопольским Священноархимандритом Свято-Троицкого Александра Свирского мужского монастыря. Икона с частицей мощей  пребывает для молитвенного поклонения верующих в кафедральном Михаило-Архангельском соборе Кокшетау.
 

 

-1

 

Календарь публикаций

Июнь 2020
Пн Вт Ср Чт Пт Сб Вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Наш баннер

Кокшетауская и Акмолинская Епархия

АКАФИСТ И КАНОН ПРЕСВЯТОЙ БОГОРОДИЦЕ

Молитвами святых отец наших, Господи Иисусе Христе, Боже наш, помилуй нас. Аминь.

Слава Тебе, Боже наш, слава Тебе. Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Безсмертный, помилуй нас  (трижды). Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Господи, помилуй (трижды).

Слава Отцу и Сыну и Святому Духу, и ныне и присно и во веки веков. Аминь.

Отче наш, Иже еси на Небесех, да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Господи, помилуй, (12 раз). Слава Отцу и Сыну и Святому Духу, и ныне и присно и во веки веков. Аминь.

Приидите, поклонимся Цареви нашему Богу.

Придите, поклонимся Царю нашему, Богу.

Приидите, поклонимся и припадем Христу, Цареви нашему Богу.

Псалом 142

Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Я́ко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щым в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой Благи́й наста́вит мя на зе́млю пра́ву. И́мене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.

Слава Отцу и Сыну и Святому Духу, и ныне, и присно и во веки веков. Аминь. Аллилу́иа, аллилу́иа, аллилу́иа, сла́ва Тебе́ Бо́же (трижды).

Го́споди, поми́луй, (трижды).

Тропарь, глас 8

Повеле́нное та́йно прие́м в ра́зуме, в кро́ве Ио́сифове тща́нием предста́ Безпло́тный, глаго́ля Неискусобра́чней: приклони́вый схожде́нием Небеса́ вмеща́ется неизме́нно весь в Тя, Его́же и ви́дя в ложесна́х Твои́х прие́мша ра́бий зрак, ужаса́юся зва́ти Тебе́: ра́дуйся, Неве́сто Неневе́стная.

Слава Отцу и Сыну и Святому Духу. Повеле́нное та́йно прие́м в ра́зуме, в кро́ве Ио́сифове тща́нием предста́ Безпло́тный, глаго́ля Неискусобра́чней: приклони́вый схожде́нием Небеса́ вмеща́ется неизме́нно весь в Тя, Его́же и ви́дя в ложесна́х Твои́х прие́мша ра́бий зрак, ужаса́юся зва́ти Тебе́: ра́дуйся, Неве́сто Неневе́стная.

И ныне и присно и во веки веков. Аминь. Повеле́нное та́йно прие́м в ра́зуме, в кро́ве Ио́сифове тща́нием предста́ Безпло́тный, глаго́ля Неискусобра́чней: приклони́вый схожде́нием Небеса́ вмеща́ется неизме́нно весь в Тя, Его́же и ви́дя в ложесна́х Твои́х прие́мша ра́бий зрак, ужаса́юся зва́ти Тебе́: ра́дуйся, Неве́сто Неневе́стная.

Псалом 50

Поми́луй мя, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя от беззако́ния моего́, и от греха́ моего́ очи́сти мя. Я́ко беззако́ние мое́ аз зна́ю и грех мой предо мно́ю есть вы́ну. Тебе́ Еди́ному согреши́х, и лука́вое пред Тобо́ю сотвори́х, я́ко да оправди́шися во словесе́х Твои́х и победи́ши, внегда́ суди́ти Ти. Се бо в беззако́ниих зача́т есмь, и во гресе́х роди́ мя ма́ти моя́. Се бо и́стину возлюби́л еси́, безве́стная и та́йная прему́дрости Твоея́ яви́л ми еси́. Окропи́ши мя иссо́пом, и очи́щуся, омы́еши мя, и па́че сне́га убелю́ся. Слу́ху моему́ да́си ра́дость и весе́лие, возра́дуются ко́сти смире́нныя. Отврати́ лице́ Твое́ от грех мои́х, и вся беззако́ния моя́ очи́сти. Се́рдце чи́сто сози́жди во мне, Бо́же, и дух прав обнови́ во утро́бе мое́й. Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́. Возда́ждь ми ра́дость спасе́ния Твоего́, и Ду́хом Влады́чним утверди́ мя. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя от крове́й, Бо́же, Бо́же спасе́ния моего́, возра́дуется язы́к мой пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, дал бых у́бо, всесожже́ния не благоволи́ши. Же́ртва Бо́гу дух сокруше́н, се́рдце сокруше́нно и смире́нно Бог не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския, тогда́ благоволи́ши же́ртву пра́вды, возноше́ние и всесожега́емая: тогда́ возложа́т на олта́рь Твой тельцы́.

 

КАНОН ПРЕСВЯТЫЯ БОГОРОДИЦЫ, ГЛАС 4

 

Песнь 1

Ирмос: Отве́рзу уста́ моя́, и напо́лнятся Ду́ха, и сло́во отры́гну Цари́це Ма́тери, и явлю́ся, све́тло торжеству́я, и воспою́, ра́дуяся, Тоя́ чудеса́.

Припев: Пресвятая Богородице, спаси нас.

Христо́ву кни́гу одушевле́нную, запечатле́нную Тя Ду́хом, вели́кий Арха́нгел, Чи́стая, зря возглаша́ше Ти: ра́дуйся, ра́дости прия́телище, Е́юже прама́терняя кля́тва разреши́тся.

Припев: Пресвятая Богородице, спаси нас.

Ада́мово исправле́ние, ра́дуйся Де́во Богоневе́сто, а́дово умерщвле́ние. Ра́дуйся Всенепоро́чная, пала́то всех Царя́: ра́дуйся, престо́ле о́гненный Вседержи́теля.

Слава Отцу и Сыну и Святому Духу. Цве́те неувяда́емый, ра́дуйся еди́на прозя́бшая я́блоко благово́нное. Ра́дуйся ро́ждшая благоуха́ние еди́наго Царя́. Ра́дуйся Неискуобра́чная, ми́рови спасе́ние.

И ныне, и присно и во веки веков. Аминь. Чистоты́ сокро́вище, ра́дуйся, Е́юже от паде́ния на́шего воста́хом. Ра́дуйся, сладкоуха́нный кри́не, Влады́чице, ве́рных благоуха́яй, кади́ло благово́нное, и ми́ро многоце́нное.

Ирмос: Отве́рзу уста́ моя́, и напо́лнятся Ду́ха, и сло́во отры́гну Цари́це Ма́тери, и явлю́ся, све́тло торжеству́я, и воспою́, ра́дуяся, Тоя́ чудеса́.

 

Песнь 3

Ирмос: Твоя́ песносло́вцы, Богоро́дице, Живы́й и Незави́стный Исто́чниче, лик себе́ совоку́пльшия, духо́вно утверди́, в Боже́ственней Твое́й сла́ве венце́в сла́вы сподо́би.

Припев: Пресвятая Богородице, спаси нас.

Клас прозя́бшая Боже́ственный, я́ко ни́ва неора́нная яве, ра́дуйся одушевле́нная трапе́зо, хлеб живо́тный вме́щшая. Ра́дуйся, живо́тныя воды́ исто́чниче неистоща́емый, Влады́чице.

Припев: Пресвятая Богородице, спаси нас.

Ю́нице Юнца́ ро́ждшая непоро́чнаго, ра́дуйся ве́рным. Ра́дуйся А́гнице, ро́ждшая Бо́жияго А́гнца, взе́млющаго ми́ра всего́ прегреше́ния. Ра́дуйся те́плое очисти́лище.

Слава Отцу и Сыну и Святому Духу. У́тро светле́йшее, ра́дуйся еди́на Со́лнца нося́щая Христа́, све́та жили́ще. Ра́дуйся, тьму разруши́вшая, и мра́чныя бе́сы отню́д отгна́вшая.

И ныне, и присно и во веки веков. Аминь. Ра́дуйся, две́ре еди́на, Е́юже Сло́во про́йде еди́но, вереи́ и врата́ а́дова, Влады́чице, Рождество́м Твои́м сокруши́вшая. Ра́дуйся, Боже́ственный вхо́де спаса́емых, Богоневе́сто.

Ирмос: Твоя́ песносло́вцы, Богоро́дице, Живы́й и Незави́стный Исто́чниче, лик себе́ совоку́пльшия, духо́вно утверди́, в Боже́ственней Твое́й сла́ве венце́в сла́вы сподо́би.

Го́споди, поми́луй, (трижды).

Седален, глас 1

Вели́кий во́ин невеще́ственных А́нгелов, во град Назаре́т предста́в, Царя́ возвеща́ет Твоего́, Чи́стая, и веко́в Го́спода: ра́дуйся, глаго́ля Тебе́, благослове́нная Мари́е, непостижи́мая и несказа́нная глубино́, челове́ков воззва́ние.

Слава Отцу и Сыну и Святому Духу, и ныне, и присно и во веки веков. Аминь.

Вели́кий во́ин невеще́ственных А́нгелов, во град Назаре́т предста́в, Царя́ возвеща́ет Твоего́, Чи́стая, и веко́в Го́спода: ра́дуйся, глаго́ля Тебе́, благослове́нная Мари́е, непостижи́мая и несказа́нная глубино́, челове́ков воззва́ние.

Песнь 4

Ирмос: Седя́й в Сла́ве на Престо́ле Божества́ во о́блаце ле́гце, прии́де Иису́с Пребоже́ственный, Нетле́нною Дла́нию и спасе́ зову́щия: сла́ва, Христе́, си́ле Твое́й.

Припев: Пресвятая Богородице, спаси нас.

Во гла́сех пе́ний, Де́во, Тебе́ вопие́м, Всепе́тая: ра́дуйся, ту́чная горо́ и усыре́нная Ду́хом. Ра́дуйся све́щниче, и ста́мно ма́нну нося́щая, услажда́ющая всех благочести́вых чу́вства.

Припев: Пресвятая Богородице, спаси нас.

Очисти́лище ми́ру, ра́дуйся, Пречи́стая Влады́чице. Ра́дуйся ле́ствице, от земли́ всех возвы́сившая благода́тию. Ра́дуйся мо́сте, вои́стинну преводя́й всех от сме́рти к животу́ пою́щих Тя.

Припев: Пресвятая Богородице, спаси нас.

Небе́с превы́шшая, ра́дуйся, земли́ основа́ние в Твои́х ложесна́х Пречи́стая, нетру́дно носи́вшая. Ра́дуйся червлени́це, багряни́цу Боже́ственную омочи́вшая, от крове́й Твои́х, Царе́ви си́лам.

Слава Отцу и Сыну и Святому Духу. Законода́вца ро́ждшая и́стиннаго, ра́дуйся, Влады́чице, беззако́ния всех ту́не очища́ющаго. Недове́домая глубино́, высото́ неизрече́нная, браконеиску́сная, Е́юже мы обожи́хомся.

И ныне, и присно и во веки веков. Аминь. Тя испле́тшую ми́рови нерукоплете́нный вене́ц песносло́вим, ра́дуйся, Тебе́ Де́во зову́ще: храни́лище всех и огражде́ние, и утвержде́ние, и свяще́нное прибе́жище.

Ирмос: Седя́й в Сла́ве на Престо́ле Божества́ во о́блаце ле́гце, прии́де Иису́с Пребоже́ственный, Нетле́нною Дла́нию и спасе́ зову́щия: сла́ва, Христе́, си́ле Твое́й.

Песнь 5

Ирмос: Ужасо́шася вся́ческая о Боже́ственней сла́ве Твое́й: Ты бо, Неискусобра́чная Де́во, име́ла еси́ во утро́бе над все́ми Бо́га и родила́ еси́ Безле́тнаго Сы́на, всем воспева́ющим Тя мир подава́ющая.

Припев: Пресвятая Богородице, спаси нас.

 

Путь ро́ждшая жи́зни, ра́дуйся Пренепоро́чная, от пото́па грехо́внаго мир спа́сшая: ра́дуйся Богоневе́сто, слы́шание и глаго́лание стра́шное: ра́дуйся пребыва́ние Влады́ки тва́ри.

Припев: Пресвятая Богородице, спаси нас.

Кре́пость и утвержде́ние челове́ков, ра́дуйся Пречи́стая, ме́сто освяще́ния сла́вы, умерщвле́ние а́дово, черто́же всесве́тлый. Ра́дуйся а́нгелов ра́досте: ра́дуйся по́моще ве́рно моля́щихся Тебе́.

Припев: Пресвятая Богородице, спаси нас.

Огнеобра́зная колесни́це Сло́ва, ра́дуйся Влады́чице, одушевле́нный раю́, дре́во посреде́ иму́щи жи́зни Го́спода, Его́же сла́дость оживотворя́ет ве́рою причаща́ющихся, и тли подклони́вшихся.

Слава Отцу и Сыну и Святому Духу. Укрепля́еми си́лою Твое́ю, ве́рно вопие́м Ти: ра́дуйся, гра́де всех Царя́, пресла́вная и достослы́шанная о Не́йже глаго́лана бы́ша я́ве, горо́ несеко́мая: ра́дуйся глубино́ неизме́римая.

И ныне, и присно и во веки веков. Аминь. Простра́нное селе́ние Сло́ва, ра́дуйся Пречи́стая, сосу́де, Боже́ственный би́сер произве́дшая. Ра́дуйся, всечу́дное всех к Бо́гу примире́ние, блажа́щих Тя, Богоро́дице, всегда́.

Ирмос: Ужасо́шася вся́ческая о Боже́ственней сла́ве Твое́й: Ты бо, Неискусобра́чная Де́во, име́ла еси́ во утро́бе над все́ми Бо́га и родила́ еси́ Безле́тнаго Сы́на, всем воспева́ющим Тя мир подава́ющая.

Песнь 6

Ирмос: Боже́ственное сие́ и всечестно́е соверша́юще пра́зднество, Богому́дрии, Богома́тере, прииди́те, рука́ми воспле́щим, от Нея́ ро́ждшагося Бо́га сла́вим.

Припев: Пресвятая Богородице, спаси нас.

Черто́же Сло́ва нескве́рный, вина́ всех обоже́ния, ра́дуйся, Пречи́стая, проро́ков оглаше́ние; ра́дуйся, апо́столов удобре́ние.

Припев: Пресвятая Богородице, спаси нас.

От Тебе́ роса́ ука́ну, пла́мень многобо́жия угаси́вшая. Тем вопие́м Ти: ра́дуйся, руно́ одушевле́нное, е́же Гедео́н, Де́во, предви́де.

Слава Отцу и Сыну и Святому Духу. Се Тебе́, Де́во, ра́дуйся, зове́м, приста́нище нам бу́ди вла́ющимся, и оти́шие в пучи́не скорбе́й, и собла́знов всех бори́теля.

И ныне, и присно и во веки веков. Аминь. Ра́дости вина́, облагодати́ наш по́мысл, е́же зва́ти Тебе́: ра́дуйся неопали́мая купино́, о́блаче всесве́тлый, ве́рныя непреста́нно осеня́ющий.

Ирмос: Боже́ственное сие́ и всечестно́е соверша́юще пра́зднество, Богому́дрии, Богома́тере, прииди́те, рука́ми воспле́щим, от Нея́ ро́ждшагося Бо́га сла́вим.

Го́споди, поми́луй, (трижды). Слава Отцу и Сыну и Святому Духу, и ныне, и присно и во веки веков. Аминь.

 

АКАФИСТ ПРЕСВЯТОЙ БОГОРОДИЦЕ

 

Кондак 1, глас 8

Взбра́нной Воево́де победи́тельная, я́ко изба́вльшеся от злых, благода́рственная воспису́ем Ти, раби́ Твои́, Богоро́дице, но, я́ко иму́щая держа́ву непобеди́мую, от вся́ких нас бед свободи́, да зове́м Ти: ра́дуйся, Неве́сто Неневе́стная.

Икос 1

А́нгел предста́тель с небесе́ по́слан бысть рещи́ Богоро́дице: ра́дуйся, и со безпло́тным гла́сом воплоща́ема Тя зря, Го́споди, ужаса́шеся и стоя́ше, зовы́й к Ней такова́я: Ра́дуйся, Е́юже рáдocть возсия́ет; ра́дуйся, Е́юже кля́тва изче́знет. Ра́дуйся, па́дшаго Ада́ма воззва́ние; ра́дуйся, слез Е́виных избавле́ние. Ра́дуйся, высото́ неудобовосходи́мая челове́ческими по́мыслы; ра́дуйся, глубино́ неудобозри́мая и а́нгельскима очи́ма. Ра́дуйся, я́ко еси́ Царе́во седа́лище; ра́дуйся, я́ко но́сиши Нося́щаго вся. Ра́дуйся, звездо́, явля́ющая Со́лнце; ра́дуйся, утро́бо Боже́ственнаго воплоще́ния. Ра́дуйся, Е́юже обновля́ется тварь; ра́дуйся, Е́юже покланя́емся Творцу́. Ра́дуйся, Неве́сто Неневе́стная.

Кондак 2

Ви́дящи Свята́я Себе́ в чистоте́, глаго́лет Гаврии́лу де́рзостно: пресла́вное твоего́ гла́са неудобоприя́тельно души́ Мое́й явля́ется, безсе́меннаго бо зача́тия рождество́ ка́ко глаго́леши, зовы́й: Аллилу́иа.

Икос 2

Ра́зум недоразумева́емый разуме́ти Де́ва и́щущи, возопи́ к служа́щему: из боку́ чи́сту, Сы́ну ка́ко есть роди́тися мо́щно, рцы Ми? К Не́йже он рече́ со стра́хом, оба́че зовы́й си́це: Ра́дуйся, сове́та неизрече́ннаго таи́ннице; ра́дуйся, молча́ния прося́щих ве́ро. Ра́дуйся, чуде́с Христо́вых нача́ло; ра́дуйся, веле́ний Его́ глави́зно. Ра́дуйся, ле́ствице небе́сная, Е́юже сни́де Бог; ра́дуйся, мо́сте, преводя́й су́щих от земли́ на не́бо. Ра́дуйся, А́нгелов многослову́щее чу́до; ра́дуйся, бесо́в многоплаче́вный стру́пе. Ра́дуйся, Свет неизрече́нно роди́вшая; ра́дуйся, е́же ка́ко, ни еди́наго же научи́вшая. Ра́дуйся, прему́дрых превосходя́щая ра́зум; ра́дуйся, ве́рных озаря́ющая смы́слы. Ра́дуйся, Неве́сто Неневе́стная.

Кондак 3

Си́ла Вы́шняго осени́ тогда́ к зача́тию Браконеиску́сную, и благопло́дная Тоя́ ложесна́, я́ко село́ показа́ сла́дкое, всем хотя́щим жа́ти спасе́ние, всегда́ пе́ти си́це: Аллилу́иа.

Икос 3

Иму́щи Богоприя́тную Де́ва утро́бу, востече́ ко Елисаве́ти; младе́нец же о́ноя а́бие позна́в Сея́ целова́ние, ра́довашеся, и игра́ньми я́ко пе́сньми вопия́ше к Богоро́дице: Ра́дуйся, о́трасли неувяда́емыя розго́; ра́дуйся, Плода́ безсме́ртнаго стяжа́ние. Ра́дуйся, Де́лателя де́лающая человеколю́бца; ра́дуйся, Сади́теля жи́зни на́шея ро́ждшая. Ра́дуйся, ни́во, растя́щая гобзова́ние щедро́т; ра́дуйся, трапе́зо, нося́щая оби́лие очище́ний. Ра́дуйся, я́ко рай пи́щный процвета́еши; ра́дуйся, я́ко приста́нище душа́м гото́виши. Ра́дуйся, прия́тное моли́твы кади́ло; ра́дуйся, всего́ ми́ра очище́ние. Ра́дуйся, Бо́жие к сме́ртным благоволе́ние; ра́дуйся, сме́ртных к Бо́гу дерзнове́ние. Ра́дуйся, Неве́сто Неневе́стная.

Кондак 4

Бу́рю внутрь име́я помышле́ний сумни́тельных, целому́дренный Ио́сиф смяте́ся, к Тебе́ зря небра́чней, и бракоокра́дованную помышля́я, Непоро́чная; уве́дев же Твое́ зача́тие от Ду́ха Свя́та, рече́: Аллилу́иа.

Икос 4

Слы́шаша па́стырие А́нгелов пою́щих плотско́е Христо́во прише́ствие, и те́кше я́ко к Па́стырю ви́дят Сего́ я́ко а́гнца непоро́чна, во чре́ве Мари́ине упа́сшася, Ю́же пою́ще ре́ша: Ра́дуйся, А́гнца и Па́стыря Ма́ти; ра́дуйся, дво́ре слове́сных ове́ц. Ра́дуйся, неви́димых враго́в муче́ние; ра́дуйся, ра́йских двере́й отверзе́ние. Ра́дуйся, я́ко небе́сная сра́дуются земны́м; ра́дуйся, я́ко земна́я сликовству́ют небе́сным. Ра́дуйся, апо́столов немо́лчная уста́; ра́дуйся, страстоте́рпцев непобеди́мая де́рзосте. Ра́дуйся, тве́рдое ве́ры утвержде́ние; ра́дуйся, све́тлое благода́ти позна́ние. Ра́дуйся, Е́юже обнажи́ся ад; ра́дуйся, Е́юже облеко́хомся сла́вою. Ра́дуйся, Неве́сто Неневе́стная.

Кондак 5

Боготе́чную звезду́ узре́вше волсви́, тоя́ после́доваша зари́, и я́ко свети́льник держа́ще ю́, то́ю испыта́ху кре́пкаго Царя́, и дости́гше Непостижи́маго, возра́довашася, Ему́ вопию́ще: Аллилу́иа.

Икос 5

Ви́деша о́троцы халде́йстии на руку́ Деви́чу Созда́вшаго рука́ми челове́ки, и Влады́ку разумева́юще Его́, а́ще и ра́бий прия́т зрак, потща́шася дарми́ послужи́ти Ему́, и возопи́ти Благослове́нней: Ра́дуйся, звезды́ незаходи́мыя Ма́ти; ра́дуйся, заре́ та́инственнаго дне. Ра́дуйся, пре́лести пещь угаси́вшая; ра́дуйся, Тро́ицы таи́нники просвеща́ющая. Ра́дуйся, мучи́теля безчелове́чнаго измета́ющая от нача́льства; ра́дуйся, Го́спода человеколю́бца показа́вшая Христа́. Ра́дуйся, ва́рварскаго избавля́ющая служе́ния; ра́дуйся, тиме́ния изыма́ющая дел. Ра́дуйся, огня́ поклоне́ние угаси́вшая; ра́дуйся, пла́мене страсте́й изменя́ющая. Ра́дуйся, ве́рных наста́внице целому́дрия; ра́дуйся, всех родо́в весе́лие. Ра́дуйся, Неве́сто Неневе́стная.

 

Кондак 6

Пропове́дницы богоно́снии, бы́вше волсви́, возврати́шася в Вавило́н, сконча́вше Твое́ проро́чество, и пропове́давше Тя, Христа́, всем, оста́виша И́рода я́ко буесло́вяща, не ве́дуща пе́ти: Аллилу́иа.

Икос 6

Возсия́вый во Еги́пте просвеще́ние и́стины, отгна́л еси́ лжи тьму: и́доли бо его́, Спа́се, не терпя́ще Твоея́ кре́пости, падо́ша, сих же изба́вльшиися вопия́ху к Богоро́дице: Ра́дуйся, исправле́ние челове́ков; ра́дуйся, низпаде́ние бесо́в. Ра́дуйся, пре́лести держа́ву попра́вшая; ра́дуйся, и́дольскую лесть обличи́вшая. Ра́дуйся, мо́ре, потопи́вшее фарао́на мы́сленнаго; ра́дуйся, ка́меню, напои́вший жа́ждущия жи́зни. Ра́дуйся, о́гненный сто́лпе, наставля́яй су́щия во тьме; ра́дуйся, покро́ве ми́ру, ши́рший о́блака. Ра́дуйся, пи́ще, ма́нны прие́мнице; ра́дуйся, сла́дости святы́я служи́тельнице. Ра́дуйся, земле́ обетова́ния; ра́дуйся, из нея́же тече́т мед и млеко́. Ра́дуйся, Неве́сто Неневе́стная.

Кондак 7

Хотя́щу Симео́ну от ны́нешняго ве́ка преста́витися преле́стнаго, вда́лся еси́ я́ко младе́нец тому́, но позна́лся еси́ ему́ и Бог соверше́нный. Те́мже удиви́ся Твое́й неизрече́нней прему́дрости, зовы́й: Аллилу́иа.

Икос 7

Но́вую показа́ тварь, я́влься Зижди́тель нам от Него́ бы́вшим, из безсе́менныя прозя́б утро́бы, и сохрани́в Ю, я́коже бе, нетле́нну, да чу́до ви́дяще, воспое́м Ю, вопию́ще: Ра́дуйся, цве́те нетле́ния; ра́дуйся, ве́нче воздержа́ния. Ра́дуйся, воскресе́ния о́браз облиста́ющая; ра́дуйся, а́нгельское житие́ явля́ющая. Ра́дуйся, дре́во светлоплодови́тое, от него́же пита́ются ве́рнии; ра́дуйся, дре́во благосенноли́ственное, и́мже покрыва́ются мно́зи. Ра́дуйся, во чре́ве нося́щая Изба́вителя плене́нным; ра́дуйся, ро́ждшая Наста́вника заблу́ждшим. Ра́дуйся, Судии́ пра́веднаго умоле́ние; ра́дуйся, мно́гих согреше́ний проще́ние. Ра́дуйся, оде́ждо наги́х дерзнове́ния; ра́дуйся, любы́, вся́кое жела́ние побежда́ющая. Ра́дуйся, Неве́сто Неневе́стная.

Кондак 8

Стра́нное рождество́ ви́девше, устрани́мся ми́ра, ум на небеса́ прело́жше: сего́ бо ра́ди высо́кий Бог на земли́ яви́ся смире́нный челове́к, хотя́й привлещи́ к высоте́ Тому́ вопию́щия: Аллилу́иа.

Икос 8

Весь бе в ни́жних и вы́шних ника́коже отступи́ неопи́санное Сло́во: снизхожде́ние бо Боже́ственное, не прехожде́ние же ме́стное бысть, и рождество́ от Де́вы Богоприя́тныя, слы́шащия сия́: Ра́дуйся, Бо́га невмести́маго вмести́лище; ра́дуйся, честна́го та́инства две́ри. Ра́дуйся, неве́рных сумни́тельное слы́шание; ра́дуйся, ве́рных изве́стная похвало́. Ра́дуйся, колесни́це пресвята́я Су́щаго на Херуви́мех; ра́дуйся, селе́ние пресла́вное Су́щаго на Серафи́мех. Ра́дуйся, проти́вная в то́жде собра́вшая; ра́дуйся, де́вство и рождество́ сочета́вшая. Ра́дуйся, Е́юже разреши́ся преступле́ние; ра́дуйся, Е́юже отве́рзеся рай. Ра́дуйся, ключу́ Ца́рствия Христо́ва; ра́дуйся, наде́ждо благ ве́чных. Ра́дуйся, Неве́сто Неневе́стная.

Кондак 9

Вся́кое естество́ а́нгельское удиви́ся вели́кому Твоего́ вочелове́чения де́лу; непристу́пнаго бо я́ко Бо́га, зря́ще всем присту́пнаго Челове́ка, нам у́бо спребыва́юща, слы́шаща же от всех: Аллилу́иа.

Икос 9

Вети́я многовеща́нныя, я́ко ры́бы безгла́сныя ви́дим о Тебе́, Богоро́дице, недоумева́ют бо глаго́лати, е́же ка́ко и Де́ва пребыва́еши, и роди́ти возмогла́ еси́. Мы же, та́инству дивя́щеся, ве́рно вопие́м: Ра́дуйся, прему́дрости Бо́жия прия́телище; ра́дуйся, промышле́ния Его́ сокро́вище. Ра́дуйся, любому́дрыя нему́дрыя явля́ющая; ра́дуйся, хитрослове́сныя безслове́сныя облича́ющая. Ра́дуйся, я́ко обуя́ша лю́тии взыска́теле; ра́дуйся, я́ко увядо́ша баснотво́рцы. Ра́дуйся, афине́йская плете́ния растерза́ющая; ра́дуйся, ры́барския мре́жи исполня́ющая. Ра́дуйся, из глубины́ неве́дения извлача́ющая; ра́дуйся, мно́ги в ра́зуме просвеща́ющая. Ра́дуйся, кораблю́ хотя́щих спасти́ся; ра́дуйся, приста́нище жите́йских пла́ваний. Ра́дуйся, Неве́сто Неневе́стная.

Кондак 10

Спасти́ хотя́ мир, И́же всех Украси́тель, к сему́ самообетова́н прии́де, и Па́стырь сый, я́ко Бог, нас ра́ди яви́ся по нам челове́к: подо́бным бо подо́бное призва́в, я́ко Бог слы́шит: Аллилу́иа.

Икос 10

Стена́ еси́ де́вам, Богоро́дице Де́во, и всем к Тебе́ прибега́ющим: и́бо небесе́ и земли́ Творе́ц устро́и Тя, Пречи́стая, все́лься во утро́бе Твое́й, и вся приглаша́ти Тебе́ научи́в: Ра́дуйся, сто́лпе де́вства; ра́дуйся, дверь спасе́ния. Ра́дуйся, нача́льнице мы́сленнаго назда́ния; ра́дуйся, пода́тельнице Боже́ственныя бла́гости. Ра́дуйся, Ты бо обнови́ла еси́ зача́тыя сту́дно; ра́дуйся, Ты бо наказа́ла еси́ окра́денныя умо́м. Ра́дуйся, тли́теля смы́слов упраждня́ющая; ра́дуйся, Се́ятеля чистоты́ ро́ждшая. Ра́дуйся, черто́же безсе́меннаго уневе́щения; ра́дуйся, ве́рных Го́сподеви сочета́вшая. Ра́дуйся, до́брая младопита́тельнице де́вам; ра́дуйся, невестокраси́тельнице душ святы́х. Ра́дуйся, Неве́сто Неневе́стная.

Кондак 11

Пе́ние вся́кое побежда́ется, спростре́тися тща́щееся ко мно́жеству мно́гих щедро́т Твои́х: равночи́сленныя бо песка́ пе́сни а́ще прино́сим Ти, Царю́ святы́й, ничто́же соверша́ем досто́йно, я́же дал еси́ нам, Тебе́ вопию́щим: Аллилу́иа.

 

Икос 11

Светоприе́мную свещу́, су́щим во тьме я́вльшуюся, зрим святу́ю Де́ву, невеще́ственный бо вжига́ющи огнь, наставля́ет к ра́зуму Боже́ственному вся, заре́ю ум просвеща́ющая, зва́нием же почита́емая, си́ми: Ра́дуйся, луче́ у́мнаго Со́лнца; ра́дуйся, свети́ло незаходи́маго Све́та. Ра́дуйся, мо́лние, ду́ши просвеща́ющая; ра́дуйся, яко́ гром, враги́ устраша́ющая. Ра́дуйся, я́ко многосве́тлое возсиява́еши просвеще́ние; ра́дуйся, я́ко многотеку́щую источа́еши реку́. Ра́дуйся, купе́ли живопису́ющая о́браз; ра́дуйся, грехо́вную отъе́млющая скве́рну. Ра́дуйся, ба́не, омыва́ющая со́весть; ра́дуйся, ча́ше, че́рплющая рáдocть. Ра́дуйся, обоня́ние Христо́ва благоуха́ния; ра́дуйся, животе́ та́йнаго весе́лия. Ра́дуйся, Неве́сто Неневе́стная.

Кондак 12

Благода́ть да́ти восхоте́в, долго́в дре́вних, всех долго́в Реши́тель челове́ком, прии́де Собо́ю ко отше́дшим Того́ благода́ти, и раздра́в рукописа́ние, слы́шит от всех си́це: Аллилу́иа.

Икос 12

Пою́ще Твое́ Рождество́, хва́лим Тя вси, я́ко одушевле́нный храм, Богоро́дице: во Твое́й бо всели́вся утро́бе содержа́й вся руко́ю Госпо́дь, освяти́, просла́ви и научи́ вопи́ти Тебе́ всех: Ра́дуйся, селе́ние Бо́га и Сло́ва; ра́дуйся, свята́я святы́х бо́льшая. Ра́дуйся, ковче́же, позлаще́нный Ду́хом; ра́дуйся, сокро́вище живота́ неистощи́мое. Ра́дуйся, че́стный ве́нче царе́й благочести́вых; ра́дуйся, честна́я похвало́ иере́ев благогове́йных. Ра́дуйся, Це́ркве непоколеби́мый сто́лпе; ра́дуйся, Ца́рствия неруши́мая стено́. Ра́дуйся, Е́юже воздви́жутся побе́ды; ра́дуйся, Е́юже низпа́дают врази́. Ра́дуйся, те́ла моего́ врачева́ние; ра́дуйся, души́ моея́ спасе́ние. Ра́дуйся, Неве́сто Неневе́стная.

Кондак 13

О, Всепе́тая Ма́ти, ро́ждшая всех святы́х Святе́йшее Сло́во! Ны́нешнее прие́мши приноше́ние, от вся́кия изба́ви напа́сти всех, и бу́дущия изми́ му́ки, о Тебе́ вопию́щих: Аллилу́иа. (Этот кондак читается трижды).

И снова читается 1 икос

А́нгел предста́тель с небесе́ по́слан бысть рещи́ Богоро́дице: ра́дуйся, и со безпло́тным гла́сом воплоща́ема Тя зря, Го́споди, ужаса́шеся и стоя́ше, зовы́й к Ней такова́я: Ра́дуйся, Е́юже рáдocть возсия́ет; ра́дуйся, Е́юже кля́тва изче́знет. Ра́дуйся, па́дшаго Ада́ма воззва́ние; ра́дуйся, слез Е́виных избавле́ние. Ра́дуйся, высото́ неудобовосходи́мая челове́ческими по́мыслы; ра́дуйся, глубино́ неудобозри́мая и а́нгельскима очи́ма. Ра́дуйся, я́ко еси́ Царе́во седа́лище; ра́дуйся, я́ко но́сиши Нося́щаго вся. Ра́дуйся, звездо́, явля́ющая Со́лнце; ра́дуйся, утро́бо Боже́ственнаго воплоще́ния. Ра́дуйся, Е́юже обновля́ется тварь; ра́дуйся, Е́юже покланя́емся Творцу́. Ра́дуйся, Неве́сто Неневе́стная.

 

И читаем в завершение Акафиста 1 кондак

Взбра́нной Воево́де победи́тельная, я́ко изба́вльшеся от злых, благода́рственная воспису́ем Ти, раби́ Твои́, Богоро́дице, но, я́ко иму́щая держа́ву непобеди́мую, от вся́ких нас бед свободи́, да зове́м Ти: ра́дуйся, Неве́сто Неневе́стная.

КАНОН, Песнь 7

Ирмос: Не послужи́ша тва́ри Богому́дрии па́че Созда́вшаго, но, о́гненное преще́ние му́жески попра́вше, ра́довахуся, пою́ще: препе́тый отце́в Госпо́дь и Бог, благослове́н еси́.

Припев: Пресвятая Богородице, спаси нас.

 

Воспева́ем Тя вопию́ще: ра́дуйся, колесни́це со́лнца у́мнаго, лозо́ и́стинная, грозд зре́лый возде́лавшая, вино́ источа́ющий, ду́ши веселя́щее ве́рою Тя сла́вящих.

Припев: Пресвятая Богородице, спаси нас.

Врача́ всех челове́к ро́ждшая, ра́дуйся Богоневе́сто, же́зле та́йный, цвет неувяда́емый процве́тший, ра́дуйся Влады́чице, Е́юже ра́дости наполня́емся, и жизнь насле́дствуем.

Припев: Пресвятая Богородице, спаси нас.

Вети́йствующий не мо́жет язы́к, Влады́чице, песносло́вити Тя, па́че бо серафи́мов возвы́силася еси́, ро́ждши Царя́ Христа́. Его́же моли́ гра́ду сему́ изба́витися от мно́гих искуше́ний.

Слава Отцу и Сыну и Святому Духу. Хва́лят Тя блажа́ще концы́, и любо́вию зову́т Тебе́: ра́дуйся сви́тче, в не́мже пе́рстом О́тчим написа́ся Сло́во, Чи́стая. Его́же моли́, в кни́ги живо́тныя рабо́м Твои́м написа́тися, Богоро́дице.

И ныне, и присно и во веки веков. Аминь. Мо́лим, раби́ Твои́, и приклоня́ем коле́но се́рдца на́шего: приклони́ у́хо Твое́, Чи́стая, и спаси́ скорбьми́ погружа́емыя при́сно, и соблюди́ от вся́каго вра́жия плене́ния Твой град, Богоро́дице.

Ирмос: Не послужи́ша тва́ри Богому́дрии па́че Созда́вшаго, но, о́гненное преще́ние му́жески попра́вше, ра́довахуся, пою́ще: препе́тый отце́в Госпо́дь и Бог, благослове́н еси́.

Песнь 8

Ирмос: О́троки благочести́выя в пе́щи Рождество́ Богоро́дичо спасло́ есть; тогда́ у́бо образу́емое, ны́не же де́йствуемое, вселе́нную всю воздвиза́ет пе́ти Тебе́: Го́спода по́йте, дела́, и превозноси́те Его́ во вся ве́ки.

Припев: Пресвятая Богородице, спаси нас.

Ложесны́ Сло́во прия́ла еси́, вся нося́щаго носи́ла еси́, млеко́м пита́ла еси́, ма́нием пита́ющаго вселе́нную всю, Чи́стая, Ему́же пое́м: Го́спода по́йте дела́, и превозноси́те во вся ве́ки.

Припев: Пресвятая Богородице, спаси нас.

 

Моисе́й уразуме́ в купине́ вели́кое та́инство Рождества́ Твоего́, о́троцы же прообрази́ша сие́ я́вственнее посреде́ огня́ стоя́ще, и не опаля́еми, нетле́нная свята́я Де́во. Тем Тя почита́ем во вся ве́ки.

Припев: Пресвятая Богородице, спаси нас.

Пре́жде пре́лестию обнажи́вшиися в ри́зу нетле́ния облеко́хомся Рождество́м Твои́м, и седя́щии во тьме прегреше́ний, свет ви́дехом, све́та жили́ще, Отрокови́це. Тем Тя пое́м во вся ве́ки.

Благослови́м Отца́ и Сы́на и Свята́го Ду́ха, Го́спода. Ме́ртвии Тобо́ю оживля́ются, Жизнь бо ипоста́сную родила́ еси́, неми́и пре́жде, благоглаго́ливи быва́ют, прокаже́ннии очища́ются, неду́зи отгоня́ются, духо́в возду́шных мно́жества побежда́ются, Де́во, челове́ков спасе́ние.

И ныне, и присно и во веки веков. Аминь. Ми́ру ро́ждшая спасе́ние, и́мже от земли́ на высоту́ взя́ти бы́хом, ра́дуйся всеблагослове́нная, покро́ве и держа́во, стено́ и утвержде́ние пою́щим, Чи́стая: Го́спода по́йте дела́, и превозноси́те во вся ве́ки.

Хва́лим, благослови́м, покланя́емся Го́сподеви, пою́ще и превознося́ще во вся ве́ки.

Ирмос: О́троки благочести́выя в пе́щи Рождество́ Богоро́дичо спасло́ есть; тогда́ у́бо образу́емое, ны́не же де́йствуемое, вселе́нную всю воздвиза́ет пе́ти Тебе́: Го́спода по́йте, дела́, и превозноси́те Его́ во вся ве́ки.

Песнь Пресвятыя Богородицы

Вели́чит душа́ Моя́ Го́спода и возра́довася дух Мой о Бо́зе Спа́се Мое́м.

К каждому стиху припев: Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

 

Я́ко призре́ на смире́ние рабы́ Своея́, се бо, от ны́не ублажа́т Мя вси ро́ди.

Я́ко сотвори́ Мне вели́чие Си́льный, и свя́то и́мя Его́, и ми́лость Его́ в ро́ды родо́в боя́щимся Его́.

Сотвори́ держа́ву мы́шцею Свое́ю, расточи́ го́рдыя мы́слию се́рдца их.

Низложи́ си́льныя со престо́л, и вознесе́ смире́нныя, а́лчущия испо́лни благ, и богатя́щияся отпусти́ тщи.

Восприя́т Изра́иля о́трока Своего́, помяну́ти ми́лости, я́коже глаго́ла ко отце́м на́шим, Авраа́му и се́мени его́ да́же до ве́ка.

Песнь 9

Ирмос: Всяк земноро́дный да взыгра́ется, Ду́хом просвеща́емь, да торжеству́ет же Безпло́тных умо́в естество́, почита́ющее свяще́нное торжество́ Богома́тере, и да вопие́т: ра́дуйся, Всеблаже́нная, Богоро́дице, Чи́стая Присноде́во.

Припев: Пресвятая Богородице, спаси нас.

Да Тебе́, ве́рнии, ра́дуйся зове́м, Тобо́ю ра́дости прича́стницы бы́вше присносу́щныя, изба́ви нас напа́стей, ва́рварскаго плене́ния, и вся́кия ины́я ра́ны, за мно́жество, Отрокови́це, прегреше́ний, находя́щия челове́ком согреша́ющим.

Припев: Пресвятая Богородице, спаси нас.

Яви́лася еси́ просвеще́ние на́ше и утвержде́ние. Те́мже вопие́м Ти: ра́дуйся, звездо́ незаходи́мая, вводя́щая в мир вели́кое Со́лнце. Ра́дуйся, Еде́м отве́рзшая заключе́нный, Чи́стая. Ра́дуйся, сосу́де, ми́ро неистощи́мое на Тя излия́нное прие́мший.

Припев: Пресвятая Богородице, спаси нас.

Ста́нем благогове́йно в дому́ Бо́га на́шего, и возопии́м: ра́дуйся, ми́ру Влады́чице. Ра́дуйся, Мари́е, Госпоже́ всех нас. Ра́дуйся, еди́на непоро́чная в жена́х и до́брая. Ра́дуйся, сто́лпе о́гненный, вводя́щий в вы́шнюю жизнь челове́чество.

Слава Отцу и Сыну и Святому Духу. Голуби́це Ми́лостиваго ро́ждшая, ра́дуйся Присноде́во: преподо́бных всех, ра́дуйся, похвало́, страда́льцев венча́ние. Ра́дуйся, всех пра́ведных Боже́ственное удобре́ние, и нам ве́рным спасе́ние.

И ныне, и присно и во веки веков. Аминь. Пощади́, Бо́же, насле́дие Твое́, грехи́ на́ша вся презре́в ны́не, на сие́ име́я моля́щую Тя, на земли́ безсе́менно Тебе́ Ро́ждшую, вели́кия ра́ди ми́лости восхоте́вшаго вообрази́тися, Христе́, в челове́чество.

Ирмос: Всяк земноро́дный да взыгра́ется, Ду́хом просвеща́емь, да торжеству́ет же Безпло́тных умо́в естество́, почита́ющее свяще́нное торжество́ Богома́тере, и да вопие́т: ра́дуйся, Всеблаже́нная, Богоро́дице, Чи́стая Присноде́во.

 

Го́споди, поми́луй, (трижды). Слава Отцу и Сыну и Святому Духу, и ныне, и присно и во веки веков.

Ексапостиларий

Е́же от ве́ка днесь познава́ется та́инство: Бо́жие Бог Сло́во, Сын Де́вы Мари́и за милосе́рдие быва́ет, и ра́дость Благове́щения Гаврии́л провещава́ет. С ни́мже возопии́м вси: ра́дуйся, Ма́ти Госпо́дня.

Достойно есть яко воистинну блажи́ти Тя, Богородицу, Присноблаже́нную и Пренепоро́чную и Ма́терь Бога нашего. Честне́йшую Херуви́м и сла́внейшую без сравне́ния Серафи́м, без истления Бога Сло́ва ро́ждшую, су́щую Богородицу Тя величаем.

Святый Боже, Святый Крепкий, Святый Безсмертный, помилуй нас  (трижды). Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Господи, помилуй (трижды). Слава Отцу и Сыну и Святому Духу, и ныне и присно и во веки веков. Аминь.

Отче наш, Иже еси на Небесех, да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Тропарь, глас 8

Повеле́нное та́йно прие́м в ра́зуме, в кро́ве Ио́сифове тща́нием предста́ Безпло́тный, глаго́ля Неискусобра́чней: приклони́вый схожде́нием Небеса́ вмеща́ется неизме́нно весь в Тя, Его́же и ви́дя в ложесна́х Твои́х прие́мша ра́бий зрак, ужаса́юся зва́ти Тебе́: ра́дуйся, Неве́сто Неневе́стная.

Го́споди, поми́луй (40 раз). Слава Отцу и Сыну и Святому Духу, и ныне и присно и во веки веков. Аминь.

Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.

Молитвами святых отец наших, Господи Иисусе Христе, Боже наш, помилуй нас. Аминь.

Конец и Богу слава

Великий покаянный канон святителя Андрея Критского с переводом-пояснением на русский язык 

Великий покаянный канон святителя Андрея Критского полностью прочитывается на утрени в четверг 5-й седмицы Великого поста (по сложившейся традиции в среду вечером) на богослужении, именуемом «Мариино стояние».

Песнь 1

Ирмос: Помо́щник и покрови́тель бысть мне во спасе́ние, Сей мой Бог, и просла́влю Его́, Бог отца́ моего́, и вознесу́ Его́: сла́вно бо просла́вися.

Помощник и Покровитель явился мне ко спасению, Он Бог мой, и прославлю Его, Бога отца моего, и превознесу Его, ибо Он торжественно прославился.

Припев: Поми́луй мя, Бо́же, поми́луй мя.

 

Отку́ду начну́ пла́кати окая́ннаго моего́ жития́ дея́ний? Ко́е ли положу́ нача́ло, Христе́, ны́нешнему рыда́нию? Но я́ко благоутро́бен, даждь ми прегреше́ний оставле́ние.

С чего начну оплакивать деяния злосчастной моей жизни? Какое начало положу, Христе, нынешнему моему сетованию? Но Ты, как милосердный, даруй мне оставление прегрешений.

Гряди́, окая́нная душе́, с пло́тию твое́ю, Зижди́телю всех испове́ждься, и оста́нися про́чее пре́ждняго безслове́сия, и принеси́ Бо́гу в покая́нии сле́зы.

Прииди, несчастная душа,  с плотию своею, исповедайся Создателю всего, воздержись, наконец, от прежнего безрассудства и с раскаянием принеси Богу слезы.

Первозда́ннаго Ада́ма преступле́нию поревнова́в, позна́х себе́ обнаже́на от Бо́га и присносу́щнаго Ца́рствия и сла́дости, грех ра́ди мои́х.

Подражая в преступлении первозданному Адаму, я сознаю себя лишенным Бога, вечного Царства и блаженства за мои грехи.

 

Увы мне, окая́нная душе́, что уподо́билася еси́ пе́рвей Е́ве? Ви́дела бо еси́ зле, и уязви́лася еси́ го́рце, и косну́лася еси́ дре́ва и вкуси́ла еси́ де́рзостно безслове́сныя сне́ди.

Горе мне, моя несчастная душа, для чего ты уподобилась первосозданной Еве? Не с добром ты посмотрела и уязвилась жестоко, прикоснулась к дереву и дерзостно вкусила бессмысленного плода.

Вме́сто Е́вы чу́вственныя мы́сленная ми бысть Е́ва, во пло́ти стра́стный по́мысл,  показу́яй сла́дкая и вкуша́яй при́сно го́рькаго напое́ния.

Вместо чувственной Евы восстала во мне Ева мысленная –страстный помысел плоти, обольщающий приятным, но при вкушении всегда напояющий горечью.

Досто́йно из Еде́ма изгна́н бысть, я́ко не сохрани́в еди́ну Твою́, Спа́се, за́поведь Ада́м: аз же что постражду́, отмета́я всегда́ живо́тная Твоя́ словеса́?

Достойно был изгнан из Едема Адам, как не сохранивший одной Твоей заповеди, Спаситель. Что же должен претерпеть я, всегда отвергающий Твои животворные повеления?

Ка́иново преше́д уби́йство, произволе́нием бых уби́йца со́вести душе́вней, оживи́в плоть, и воева́в на ню лука́выми мои́ми дея́ньми.

Каиново превзойдя убийство, по произволению я сделался убийцей совести душевной, оживив плоть и вооружившись против нее лукавыми моими деяниями.

А́велеве Иису́се, не уподо́бихся пра́вде, да́ра Тебе́ прия́тна не принесо́х когда́, ни дея́ния боже́ственна, ни же́ртвы чи́стыя, ни жития́ непоро́чнаго.

С Авелем, Иисусе, я не сравнялся в праведности, даров Тебе приятных не приносил никогда, ни дел богоугодных, ни жертвы чистой, ни жизни непорочной.

Я́ко Ка́ин и мы, душе́ окая́нная, всех Соде́телю дея́ния скве́рная, и же́ртву поро́чную, и непотре́бное житие́ принесо́хом вку́пе: те́мже и осуди́хомся.

Как Каин и мы, душа несчастная, Создателю всего деяния скверные и жертву порочную, и жизнь негодную принесли вместе; за то́ и осуждены.

Бре́ние Зда́тель живосозда́в, вложи́л еси́ мне плоть и ко́сти, и дыха́ние и жизнь: но о Тво́рче мой, Изба́вителю мой и Судие́, ка́ющася приими́ мя.

Глину, как Создатель, оживотворив, Ты даровал мне плоть, и кости, и дыхание, и жизнь; но, Творец мой, Искупитель мой и Судия, кающегося прими меня!

Извеща́ю Ти, Спа́се, грехи́, я́же соде́ях, и души́, и те́ла моего́ я́звы, я́же внутрь уби́йственнии по́мыслы разбо́йнически на мя возложи́ша.

Открываю Тебе, Спаситель, грехи, которые соделал, и души, и тела моего раны, которые внутренние убийственные помыслы разбойнически на меня возложили.

А́ще и согреши́х, Спа́се, но вем, я́ко Человеколю́бец еси́, наказу́еши ми́лостивно, и милосе́рдствуеши те́пле: слезя́ща зри́ши, и притека́еши я́ко Оте́ц, призыва́я блу́днаго.

Если и согрешил я, Спаситель, но знаю, что Ты Человеколюбец: наказываешь сострадательно и милуешь радушно, на плачущего взираешь и поспешаешь как отец призвать блудного.

Пове́ржена мя, Спа́се, пред враты́ Твои́ми, поне́ на ста́рость не отри́ни мене́ во ад тща, но пре́жде конца́, я́ко Человеколю́бец, даждь ми прегреше́ний оставле́ние.

Повергнутого пред вратами Твоими, Спаситель, хотя бы в старости не отринь меня во ад, ни с чем, но прежде кончины, как Человеколюбец, даруй мне согрешений отпущение.

В разбо́йники впады́й аз есмь, помышле́ньми мои́ми, весь от них уязви́хся ны́не, и испо́лнихся ран, но Сам ми предста́в, Христе́ Спа́се, исцели́.

Я – попавшийся разбойникам – помыслам моим, весь ими изранен ныне и язвами покрыт; но Ты Сам, Христе Спаситель, приди и меня исцели.

Свяще́нник мя предви́дев ми́мо и́де, и леви́т ви́дя в лю́тых на́га презре́, но из Мари́и возсия́вый Иису́се, Ты предста́в уще́дри мя.

Священник, меня заметив, прошел мимо, и левит, видя меня в тяжкой беде, обнаженным, презрел. Но от Марии воссиявший Иисусе, Ты приди и помилуй меня.

А́гнче Бо́жий, взе́мляй грехи́ всех, возми́ бре́мя от мене́ тя́жкое грехо́вное, и я́ко благоутро́бен, даждь ми сле́зы умиле́ния.

Агнец Божий, подъемлющий грехи всех, возьми от меня бремя тяжкое греховное, и, как Милосердый, даруй мне слезы умиления.

Покая́ния вре́мя, прихожду́ Ти, Созда́телю моему́, возми́ бре́мя от мене́ тя́жкое грехо́вное, и я́ко благоутро́бен, даждь ми сле́зы умиле́ния.

 

Покаяния время; прихожу к Тебе, Создателю моему: возьми от меня бремя тяжкое греховное, и, как Милосердый, даруй мне слезы умиления.

Не возгнуша́йся мене́, Спа́се, не отри́ни от Твоего́ лица́, возми́ бре́мя от мене́ тя́жкое грехо́вное, и я́ко благоутро́бен, даждь мне грехопаде́ний оставле́ние.

Не возгнушайся мною, Спаситель, не отринь от Твоего лица, возьми от меня бремя тяжкое греховное и, как Милосердый, даруй мне согрешений прощение.

Во́льная, Спа́се, и нево́льная прегреше́ния моя́, явле́нная и сокрове́нная, и ве́домая и неве́домая, вся прости́в, я́ко Бог, очи́сти и спаси́ мя.

Вольные и невольные согрешения мои, Спаситель, и явные, и сокровенные, и ведомые, и неведомые, все простив, как Бог, смилуйся и спаси меня.

От ю́ности, Христе́, за́поведи Твоя́ преступи́х, всестра́стно небреги́й, уны́нием преидо́х житие́. Те́мже зову́ Ти, Спа́се: поне́ на коне́ц спаси́ мя.

С юности я, Христе, заповеди Твои преступил, страстно, нерадиво, беспечно провел я всю жизнь; потому взываю к Тебе, Спаситель: «Хотя бы при конце спаси меня!»

Бога́тство мое́, Спа́се, изнури́в в блуде́, пуст есмь плодо́в благочести́вых, а́лчен же зову́: О́тче щедро́т, предвари́в Ты мя уще́дри.

Имение мое душевное расточив в грехе, не имею я плодов благочестия, и, голодом томясь, взываю: «Отец всяких благ, поспеши, Сам щедро надели меня Твоими дарами!»

Тебе́ припа́даю, Иису́се, согреши́х Ти, очи́сти мя, возми́ бре́мя от мене́ тя́жкое грехо́вное, и я́ко благоутро́бен, даждь ми сле́зы умиле́ния.

К Тебе припадаю, Иисусе, согрешил я пред Тобою, будь милостив ко мне, возьми от меня бремя тяжкое греховное, и, как Милосердый Бог, даруй мне слезы умиления.

Не вни́ди со мно́ю в суд нося́ моя́ дея́ния, словеса́ изыску́я, и исправля́я стремле́ния, но в щедро́тах Твои́х презира́я моя́ лю́тая, спаси́ мя, Всеси́льне.

Не войди со мною в суд, предъявляя мои деяния, испытывая слова и изобличая стремления; но по милосердию Твоему, презирая грехи мои тяжкие, спаси меня, Всесильный.

Припев: Преподо́бная ма́ти Мари́е, моли́ Бо́га о нас.

Ты ми даждь светоза́рную благода́ть от Боже́ственнаго свы́ше промышле́ния, избежа́ти страсте́й омраче́ния, и пе́ти усе́рдно, твоего́ Мари́е жития́, кра́сная исправле́ния.

Ты мне даруй светозарную благодать от Вышнего Божественного Промысла – избежать страстей помрачения и воспеть усердно Твоего, Мария, жития прекрасные деяния.

Припев: Преподо́бная ма́ти Мари́е, моли́ Бо́га о нас.

Прикло́ньшися Христо́вым Боже́ственным зако́ном, к Сему́ приступи́ла еси́, сла́достей неудержи́мая стремле́ния оста́вивши, и вся́кую доброде́тель всеблагогове́йно, я́ко еди́ну испра́вила еси́.

Покорившись Христовым божественным законам, ты к Нему приступила, наслаждений плотских неудержимые стремления оставив, и все добродетели, со всем благоговением, как одну, исполнила.

Припев: Преподо́бне о́тче Андре́е, моли́ Бо́га о нас.

Моли́твами твои́ми нас, Андре́е, изба́ви страсте́й безче́стных, и Ца́рствия ны́не Христо́ва о́бщники ве́рою и любо́вию воспева́ющия тя, сла́вне, покажи́, мо́лимся.

Мольбами твоими, Андрей, избавь нас от страстей бесчестных и сделай ныне Царства Христова жителями с верою и любовию воспевающих тебя, славный, молимся.

Сла́ва Отцу́ и Сы́ну и Свято́му Ду́ху. Пресу́щная Тро́ице, во Еди́нице покланя́емая, возми́ бре́мя от мене́ тя́жкое грехо́вное, и я́ко благоутро́бна, даждь ми сле́зы умиле́ния.

Сверхсущественная Троица, во Единстве поклоняемая, возьми от меня бремя тяжкое греховное и, как Милосердная, даруй мне слезы умиления.

И ны́не, и при́сно и во ве́ки веко́в. Ами́нь.  Богоро́дице, наде́жде и предста́тельство Тебе́ пою́щих, возми́ бре́мя от мене́ тя́жкое грехо́вное, и я́ко Влады́чица Чи́стая, ка́ющася приими́ мя.

Богородица, Надежда и Защита Тебя воспевающих! Возьми от меня бремя тяжкое греховное, и как Владычица Чистая кающегося прими меня.

Песнь 2

Ирмос: Вонми́, не́бо, и возглаго́лю, и воспою́ Христа́, от Де́вы пло́тию прише́дшаго.

Внимай, небо, – и возвещу, и воспою Христа, от Девы во плоти Пришедшего.

Припев: Поми́луй мя, Бо́же, поми́луй мя.

Вонми́, не́бо, и возглаго́лю, земле́, внуша́й глас, ка́ющийся к Бо́гу и воспева́ющий Его́.

Внимай, небо, – и возвещу; земля! Слушай глас, кающийся пред Богом и воспевающий Его.

Вонми́ ми, Бо́же, Спа́се мой, ми́лостивным Твои́м о́ком, и приими́ мое́ те́плое испове́дание.

Воззри на меня, Боже, как милосердный, милостивым Твоим оком и прими мое теплое исповедание.

Согреши́х па́че всех челове́к, еди́н согреши́х Тебе́, но уще́дри я́ко Бог, Спа́се, творе́ние Твое́.

Согрешил я более всех людей, один согрешил пред Тобою; но помилуй, как Бог, о Спаситель, творение Твое.

Бу́ря мя злых обдержи́т, благоутро́бне Го́споди, но я́ко Петру́, и мне ру́ку простри́.

Буря зла меня охватывает, милосердный Господи, но, как Петру, Ты и мне руку простри.

Сле́зы блудни́цы, Ще́дре, и аз предлага́ю, очи́сти мя, Спа́се, благоутро́бием Твои́м.

Слезы блудницы, о Милосердный, и я проливаю; смилуйся надо мною, Спаситель, по состраданию Твоему.

Омрачи́х душе́вную красоту́ страсте́й сластьми́, и вся́чески весь ум персть сотвори́х.

Омрачил я души красоту страстей услаждениями и совершенно весь ум в прах превратил.

Раздра́х ны́не оде́жду мою́ пе́рвую, и́же ми изтка́ Зижди́тель из нача́ла, и отту́ду лежу́ наг.

Изорвал я ныне одеяние мое первое, которое соткал мне Творец изначала, и потому лежу наг.

Облеко́хся в раздра́нную ри́зу, ю́же изтка́ ми змий сове́том, и стыжду́ся.

Оделся я в рваную одежду, которую соткал для меня змий своим советом, и стыжусь.

Воззре́х на садо́вную красоту́ и прельсти́хся умо́м, и отту́ду лежу́ наг и срамля́юся.

Взглянул я на красоту запретного древа в райском саду и прельстился умом, и теперь лежу нагим и стыжусь.

Де́лаша на хребте́ мое́м вси нача́льницы страсте́й, продолжа́юще на мя беззако́ние их.

Работали на хребте моем все предводители страстей (демоны), продолжая против меня беззаконие свое.

Погуби́х первозда́нную добро́ту и благоле́пие мое́, и ны́не лежу́ наг и стыжду́ся.

Погубил я первозданную красоту и благолепие мое, и теперь лежу нагим и стыжусь.

Сшива́ше ко́жныя ри́зы грех мне, обнажи́вый мя пе́рвыя боготка́нныя оде́жды.

Сшил кожаные ризы грех и мне, сняв с меня первую Богом сотканную одежду.

Обложе́н есмь одея́нием студа́, я́коже ли́ствием смоко́вным, во обличе́ние мои́х самовла́стных страсте́й.

Облекся я одеянием стыда как листьями смоковницы во обличение моих самовольных страстей.

Оде́яхся в сра́мную ри́зу, и окровавле́нную сту́дно, тече́нием стра́стнаго и любосла́стнаго живота́.

Оделся я в одежду запятнанную и окровавленную гнусно течением страстного и чувственного жития.

Оскверни́х пло́ти моея́ ри́зу и окаля́х, е́же по о́бразу, Спа́се, и по подо́бию.

Осквернил я плоти моей одежду и запятнал то́, в чем образ Твой, Спаситель, и подобие.

Впадо́х в стра́стную па́губу и в веще́ственную тлю, и отто́ле до ны́не враг мне досажда́ет.

Провалился я в погибельную яму страстей и подвергся вещественному тлению, и оттого ныне враг мне досаждает.

Любове́щное и любоиме́нное житие́, невоздержа́нием, Спа́се, предпоче́т ны́не, тя́жким бре́менем обложе́н есмь.

Жизнь в любви к вещам и привязанности к материальному имуществу, о Спаситель! предпочел я нестяжанию, и теперь под тяжким бременем пребываю.

Украси́х плотски́й о́браз скве́рных помышле́ний разли́чным обложе́нием, и осужда́юся.

Украсил я плоти кумир гнусными помыслами как разноцветною одеждою и, вот, осуждаюсь.

Вне́шним приле́жно благоукраше́нием еди́нем попеко́хся, вну́треннюю презре́в богообра́зную ски́нию.

Об одном внешнем благолепии позаботился я усердно, в пренебрежении оставив внутреннюю богообразную скинию (храм).

Вообрази́в мои́х страсте́й безобра́зие, любосла́стными стремле́ньми погуби́х ума́ красоту́.

Отобразив в себе страстей безобразие, сластолюбивыми стремлениями погубил я ума красоту.

Погребо́х пе́рваго о́браза добро́ту, Спа́се, страстьми́, ю́же я́ко иногда́ дра́хму, взыска́в обря́щи.

Закопал я первозданного образа красоту, Спаситель, страстями моими, но Ты, как некогда драхму (потерянную монету), взыщи его и найди.

Согреши́х, я́коже блудни́ца вопию́ Ти, еди́н согреши́х Тебе́, я́ко ми́ро приими́, Спа́се, и моя́ сле́зы.

Согрешил я, и как блудница взываю к Тебе: «Один я согрешил пред Тобою, как миро прими, Спаситель, и мои слезы!»

Поползо́хся, я́ко Дави́д, блу́дно и оскверни́хся, но омы́й и мене́, Спа́се, слеза́ми.

Поскользнулся я от невоздержания, как некогда царь Давид, и осквернился; но омой и меня, Спаситель, слезами моими.

Очи́сти, я́коже мыта́рь вопию́ Ти, Спа́се, очи́сти мя, никто́же бо су́щих из Ада́ма, я́коже аз согреши́х Тебе́.

«Смилуйся», – как мытарь взываю к Тебе, – «Смилуйся надо мною, Спаситель, ибо никто из чад Адама, как я, не согрешил пред Тобою!»

Ни слез, ниже́ покая́ния и́мам, ниже́ умиле́ния, Сам ми сия́, Спа́се, я́ко Бог да́руй.

Ни слез, ни покаяния нет у меня, ни умиления; Сам мне все это, Спаситель, как Бог, даруй.

Дверь Твою́ не затвори́ мне тогда́, Го́споди, Го́споди, но отве́рзи ми сию́ ка́ющемуся Тебе́.

Дверь Твою не затвори предо мною в последний час, Господи, Господи, но открой ее для меня, кающегося Тебе.

Человеколю́бче, хотя́й всем спасти́ся, Ты воззови́ мя, и приими́, я́ко Благ, ка́ющагося.

Человеколюбец, желающий спасения всем, Ты призови меня и, как Благой, прими кающегося.

Внуши́ воздыха́ния души́ моея́, и о́чию мое́ю приими́ ка́пли, Спа́се, и спаси́ мя.

Внемли стенаниям души моей и прими очей моих слезные капли, Спаситель, и спаси меня.

Припев: Пресвята́я Богоро́дице, спаси́ нас.

Пречи́стая Богоро́дице Де́во, еди́на Всепе́тая, моли́ приле́жно, во е́же спасти́ся нам.

Пречистая Богородица Дева, единая от всех воспеваемая, моли усердно о спасении нашем.

Ирмос: Ви́дите, ви́дите, я́ко Аз есмь Бог, ма́нну одожди́вый и во́ду из ка́мене источи́вый дре́вле в пусты́ни лю́дем Мои́м, десни́цею еди́ною и кре́постию Мое́ю.

Видите, видите, что Я – это Бог, манну дождем проливший и воду из камня источивший в древности в пустыне людям Моим рукой моей крепкой и сильной.

Ви́дите ви́дите, я́ко Аз есмь Бог, внуша́й, душе́ моя́, Го́спода вопию́ща, и удали́ся пре́жняго греха́, и бо́йся я́ко неумы́тнаго, и я́ко Судии́ и Бо́га.

«Видите, видите, что Я – Бог!» Внимай, душа моя, Господу взывающему, и отступи от прежнего греха, и страшись Его как неподкупного Судьи и Бога.

Кому́ уподо́билася еси́, многогре́шная душе́, то́кмо пе́рвому Ка́ину и Ламе́ху о́ному, каменова́вшая те́ло злоде́йствы, и уби́вшая ум безслове́сными стремле́ньми.

Кому уподобилась ты, многогрешная душа? Увы, древнему Каину и тому Ламеху, поразив злодеяниями, как камнями, тело и умертвив разум безрассудными стремлениями.

Вся пре́жде зако́на прете́кши, о душе́! Си́фу не уподо́билася еси́, ни Ено́са подража́ла еси́, ни Ено́ха преложе́нием, ни Но́я, но яви́лася еси́ убо́га пра́ведных жи́зни.

Всех, живших до дарования Закона, вспомнил я, о душа, и вижу – Сифу не уподобилась ты, не подражала ни Еносу, ни Еноху, переселившемуся на Небо, ни Ною, но оказалась чуждой праведных жизни.

Еди́на отве́рзла еси́ хля́би гне́ва, Бо́га твоего́, душе́ моя́, и потопи́ла еси́ всю, я́коже зе́млю плоть, и дея́ния, и житие́, и пребыла́ еси́ вне спаси́тельнаго ковче́га.

Ты одна отверзла водопады гнева Бога твоего, душа моя, и как землю потопила всю плоть, и дела, и жизнь, и осталась вне спасительного ковчега.

Му́жа уби́х, глаго́лет, в я́зву мне, и ю́ношу в струп, Ламе́х рыда́я вопия́ше, ты же не трепе́щеши, о душе́ моя́, окаля́вши плоть и ум оскверни́вши.

«Мужа я убил, – Ламех говорит, – в язву мне, и юношу – в рану», – так он, рыдая, восклицал; а ты не трепещешь, душа моя, запятнав плоть и ум осквернив.

О ка́ко поревнова́х Ламе́ху, пе́рвому уби́йце, ду́шу я́ко му́жа, ум я́ко ю́ношу, я́ко бра́та же моего́ те́ло уби́в, я́ко Ка́ин уби́йца, любосла́стными стремле́ньми.

О, как стал я подражателем Ламеху, древнему убийце – душу как человека, ум как юношу, и как брата моего тело убив, словно Каин – убийца, сластолюбивыми стремлениями.

Столп умудри́ла еси́ созда́ти, о душе́, и утвержде́ние водрузи́ти твои́ми похотьми́, а́ще не бы Зижди́тель удержа́л сове́ты твоя́, и низве́ргл на зе́млю ухищре́ния твоя́.

Вавилонскую башню уже замыслила ты построить, о душа, и дворец воздвигнуть твоими вожделениями, если бы Творец не смешал замыслы твои и не низверг на землю ухищрения твои.

Уязви́хся, ура́нихся, се стре́лы вра́жия уязви́вшия мою́ ду́шу и те́ло, се стру́пи, гное́ния, омраче́ния, вопию́т ра́ны самово́льных мои́х страсте́й.

Уязвлен я, изранен; вот стрелы врага, поразившие мою душу и тело, вот раны, гнойные язвы, увечья вопиют об ударах самовольных моих страстей.

Одожди́ Госпо́дь от Го́спода огнь иногда́, на беззако́ние гне́вающее соже́г Содо́мляны, ты же огнь вжегла́ еси́ гее́нский, в не́мже и́маши, о душе́, сожещи́ся.

Дождем пролил Господь некогда огонь с Неба от Господа на беззаконие неистовое и сжег содомлян; ты же разожгла огонь гееннский, в котором должна будешь, о душа, быть сожженной мучительно.

Разуме́йте и ви́дите, я́ко Аз есмь Бог, испыта́яй сердца́ и уму́чаяй мы́сли, облича́яй дея́ния и попаля́яй грехи́, и судя́й си́ру, и смире́ну, и ни́щу.

Познайте и видите, что Я – Бог, испытывающий сердца и исправляющий мысли, обличающий деяния и попаляющий грехи, и судящий сироту, и смиренного, и нищего.

Припев: Преподо́бная ма́ти Мари́е, моли́ Бо́га о нас.

Просте́рла еси́ ру́це твои́ к ще́дрому Бо́гу, Мари́е, в бе́здне зол погружа́емая, и я́коже Петру́ человеколю́бно, ру́ку Боже́ственную простре́, твое́ обраще́ние вся́чески иски́й.

Простерла ты руки твои к Милосердному Богу, Мария, в пучине зол утопая, и как апостолу Петру человеколюбиво руку помощи Он подал тебе, твоего обращения с нетерпением ожидая.

Припев: Преподо́бная ма́ти Мари́е, моли́ Бо́га о нас.

 

Всем усе́рдием и любо́вию притекла́ еси́ Христу́, пе́рвый греха́ путь отвра́щши, и в пусты́нях непроходи́мых пита́ющися, и Того́ чи́сте соверша́ющи Боже́ственныя за́поведи.

Всем усердием и любовью прибегла ты ко Христу, от прежнего пути греха отвратившись, и воспитываясь в пустынях непроходимых, и непорочно исполняя Божественные Его заповеди.

Припев: Преподо́бне о́тче Андре́е, моли́ Бо́га о нас.

Ви́дим, ви́дим человеколю́бие, о душе́, Бо́га и Влады́ки, сего́ ра́ди пре́жде конца́, Тому́ со слеза́ми припаде́м вопию́ще: Андре́я моли́твами, Спа́се, поми́луй нас.

Видим, видим человеколюбие, о душа, Бога и Владыки; потому прежде конца припадем к Нему, со слезами взывая: «Молитвами Андрея, Спаситель, помилуй нас!»

Сла́ва Отцу́ и Сы́ну и Свято́му Ду́ху. Безнача́льная, несозда́нная Тро́ице, неразде́льная Еди́нице, ка́ющася мя приими́, согреши́вша спаси́, Твое́ есмь созда́ние, не пре́зри, но пощади́ и изба́ви мя о́гненнаго осужде́ния.

Безначальная, несозданная Троица, нераздельное Единство, кающегося меня прими, согрешившего спаси, Твое я создание – не пре́зри, но пощади и избавь меня от огненного осуждения.

И ны́не, и при́сно и во ве́ки веко́в. Ами́нь.  Пречи́стая Влады́чице Богороди́тельнице, наде́ждо к Тебе́ притека́ющих, и приста́нище су́щих в бу́ри, Ми́лостиваго и Созда́теля, и Сы́на Твоего́, уми́лостиви и мне моли́твами Твои́ми.

Пречистая Владычица, Божия Родительница, Надежда к Тебе прибегающих и Пристанище застигнутым бурей, милостивого Создателя и Сына Твоего преклони на милость и ко мне мольбами Твоими.

Песнь 3

Ирмос: На недви́жимом, Христе́, ка́мени за́поведий Твои́х, утверди́ мое́ помышле́ние.

На неподвижном, Христе, камне заповедей Твоих утверди мое помышление.

Припев: Поми́луй мя, Бо́же, поми́луй мя.

Огнь от Го́спода иногда́ Госпо́дь одожди́в, зе́млю Содо́мскую пре́жде попали́.

Огонь от Господа, о душа, дождем пролив, землю Содомскую Господь в древности попалил.

На горе́ спаса́йся, душе́, я́коже Лот о́ный, и в Сиго́р угонза́й.

На гору спасайся, душа, как Лот, тебе известный, и в Сигор укрыться спеши.

Бе́гай запале́ния, о душе́, бе́гай Содо́мскаго горе́ния, бе́гай тле́ния Боже́ственнаго пла́мене.

Убегай от пожара, о душа, беги от содомского пожара, беги от истребления божественным огнем.

Испове́даюся Тебе́, Спа́се, согреши́х, согреши́х Ти, но осла́би, оста́ви ми, я́ко благоутро́бен.

Исповедаюсь пред Тобою, Спаситель: согрешил я, согрешил Тебе, но отпусти мне грехи, прости меня, как Милосердный.

Согреши́х Тебе́ еди́н аз, согреши́х па́че всех, Христе́ Спа́се, да не пре́зриши мене́.

Согрешил пред Тобою я один, согрешил больше всех, Христе Спаситель, не пре́зирай меня!

Ты еси́ Па́стырь до́брый, взыщи́ мене́ а́гнца, и заблу́ждшаго да не пре́зриши мене́.

Ты – Пастырь Добрый, взыщи меня – агнца, и заблудившегося не оставляй меня.

Ты еси́ сла́дкий, Иису́се, Ты еси́ Созда́телю мой, в Тебе́, Спа́се, оправда́юся.

Ты – Сладчайший Иисусе, Ты – Создатель мой! Тобою я, Спаситель, оправдаюсь.

Припев: Пресвята́я Тро́ице, Бо́же наш, сла́ва Тебе́.

 

О, Тро́ице Еди́нице Бо́же! Спаси́ нас от пре́лести, и искуше́ний и обстоя́ний.

О, Троица, Еди́ница, Боже! Спаси нас от прельщения, и искушений, и несчастий.

Припев: Пресвята́я Богоро́дице, спаси́ нас.

 

Ра́дуйся, Богоприя́тная утро́бо, ра́дуйся, престо́ле Госпо́день, ра́дуйся, Ма́ти Жи́зни на́шея.

Радуйся, Чрево, Бога вместившее, радуйся, Престол Господень, радуйся, Матерь Жизни нашей.

Ирмос: Утверди́, Го́споди, на ка́мени за́поведей Твои́х подви́гшееся се́рдце мое́, я́ко Еди́н Свят еси́ и Госпо́дь.

Утверди, Господи, на камне заповедей Твоих колеблющееся сердце мое, ибо Ты один Свят и Господь.

Исто́чник живота́ стяжа́х Тебе́, сме́рти низложи́теля, и вопию́ Ти от се́рдца моего́ пре́жде конца́: согреши́х, очи́сти и спаси́ мя.

Источник жизни обрел я в Тебе, Победителе смерти, и взываю к Тебе от сердца моего прежде конца: «Согрешил я, смилуйся и спаси меня!»

При Но́и, Спа́се, блу́дствовавшия подража́х, о́нех насле́дствовав осужде́ние, в пото́пе погруже́ния.

При Ное блудодействовавшим подражал я, Спаситель, и унаследовал их наказание - гибель в потопе.

Согреши́х, Го́споди, согреши́х Тебе́, очи́сти мя, несть бо и́же кто согреши́ в челове́цех, его́же не превзыдо́х прегреше́ньми.

Согрешил я, Господи, согрешил пред Тобою! Смилуйся надо мной: ибо нет грешника между людьми, которого я не превзошел согрешениями.

Ха́ма о́наго душе́, отцеуби́йца подража́вши, сра́ма не покры́ла еси́ и́скренняго, вспять зря возврати́вшися.

Хаму всем известному, оскорбителю отца, подражая, душа, не прикрыла ты срамоты ближнего, с лицом, назад обращенным, не прикрыла срамоты ближнего.

Благослове́ния Си́мова не насле́довала еси́, душе́ окая́нная, ни простра́нное одержа́ние, я́коже Иа́фет име́ла еси́ на земли́ оставле́ния.

Благословения Симова ты не унаследовала, душа несчастная, ни обширного владения, как Иафет, не получила на земле прощения.

От земли́ Харра́н, изы́ди от греха́, душе́ моя́, гряди́ в зе́млю точа́щую присноживо́тное нетле́ние, е́же Авраа́м насле́дствова.

Из земли Харран – от греха выйди, душа моя, поспеши в землю, источающую вечно живое нетление, которую Авраам унаследовал.

Авраа́ма слы́шала еси́, душе́ моя́, дре́вле оста́вльша зе́млю оте́чества, и бы́вша прише́льца, сего́ произволе́нию подража́й.

Об Аврааме слышала ты, душа моя, в древности оставившем землю отеческую и сделавшемся пришельцем; его решимости подражай.

У ду́ба Мамври́йскаго учреди́в патриа́рх а́нгелы, насле́дствова по ста́рости обетова́ния лови́тву.

У дуба Мамврийского патриарх, Ангелов угостив, унаследовал в старости обетование в награду.

Исаа́ка, окая́нная душе́ моя́, разуме́вши но́вую же́ртву, та́йно всесожже́нную Го́сподеви, подража́й его́ произволе́нию.

Исаака, несчастная душа моя, узнав как новую жертву всесожжения, таинственно принесенную Господу, подражай его произволению.

Исма́ила слы́шала еси́, трезви́ся, душе́ моя́, изгна́на я́ко рабы́нино отрожде́ние, виждь, да не ка́ко подо́бно что постра́ждеши ласкосе́рдствующи.

Об Измаиле ты слышала, душа моя, изгнанном, как сыне рабыни; смотри, будь бдительна, чтобы и тебе за сладострастие не претерпеть подобного.

Ага́ре дре́вле, душе́, еги́птяныне уподо́билася еси́, порабо́тившися произволе́нием и ро́ждши но́ваго Исма́ила, презо́рство.

Древней Агари, египтянке, уподобилась ты, душа, сделавшись рабой своих желаний и породив нового Измаила – дерзость.

Иа́ковлю ле́ствицу разуме́ла еси́, душе́ моя́, явля́емую от земли́ к небесе́м, почто́ не име́ла еси́ восхо́да тве́рда, благоче́стия?

О лестнице, Иакову показанной во сне, ты знала, душа моя, ведущей от земли к Небесам, почему же не стяжала ты восхождения твердого – благочестия?

Свяще́нника Бо́жия и царя́ уедине́на, Христо́во подо́бие, в ми́ре жития́, в челове́цех подража́й.

Священнику Божию и царю одинокому – образу жизни Христа в мире между людьми – подражай.

Не бу́ди столп сла́ный, душе́, возврати́вшися вспять: о́браз да устраши́т тя Содо́мский, горе́ в Сиго́р спаса́йся.

Не стань столбом из соли, душа, обратившись вспять (как жена Лота), да устрашит тебя пример Содома: ввысь, в Сигор спасайся.

Запале́ния, я́коже Лот, бе́гай, душе́ моя́, греха́, бе́гай Содо́мы и Гомо́рры, бе́гай пла́мене вся́каго безслове́снаго жела́ния.

Как пожара Лот, избегай, душа моя, греха, убегай от Содома и Гоморры, избегай пламени всякого безрассудного желания.

Поми́луй, Го́споди, поми́луй мя, вопию́ Ти, егда́ прии́деши со а́нгелы Твои́ми, возда́ти всем по достоя́нию дея́ний.

Помилуй, Господи, помилуй меня, взываю к Тебе, когда придешь со Ангелами Твоими всем воздать по достоинству их деяний.

Моле́ния, Влады́ко, Тебе́ пою́щих не отве́ржи, но уще́дри, Человеколю́бче, и пода́ждь ве́рою прося́щим оставле́ние.

Молитв, Владыка, воспевающих Тебя не отвергни, но помилуй, Человеколюбец, и даруй с верою просящим отпущение грехов.

Припев: Преподо́бная ма́ти Мари́е, моли́ Бо́га о нас.

Содержи́мь есмь бу́рею и треволне́нием согреше́ний, но сама́ мя, ма́ти, ны́не спаси́, и к приста́нищу Боже́ственнаго покая́ния возведи́.

Охвачен я бурею и треволнением согрешений, но ты сама меня, матерь, ныне спаси и к пристани Божественного покаяния приведи.

Припев: Преподо́бная ма́ти Мари́е, моли́ Бо́га о нас.

Ра́бское моле́ние и ны́не преподо́бная прине́сши ко благоутро́бней моли́твами твои́ми, Богоро́дице, отве́рзи ми Боже́ственныя вхо́ды.

Рабское моление и ныне, преподобная, принеси к милосердной Богородице, открой и для меня твоим ходатайством вход к Богу.

Припев: Преподо́бне о́тче Андре́е, моли́ Бо́га о нас.

Твои́ми моли́твами да́руй и мне оставле́ние долго́в, о Андре́е, Кри́тский председа́телю! покая́ния бо ты таи́нник преизря́дный.

Твоими молитвами даруй и мне прощение долгов, о Андрей, Критский предстоятель! Ибо ты тайны покаяния наставник превосходнейший.

Сла́ва Отцу́ и Сы́ну и Свято́му Ду́ху. Тро́ице про́стая, несозда́нная, безнача́льное Естество́, в Тро́ице пева́емая Ипоста́сей, спаси́ ны ве́рою покланя́ющияся держа́ве Твое́й.

Единство простое, несозданное, безначальное Естество, воспеваемое в Трех Ипостасях, спаси нас, с верою поклоняющихся могуществу Твоему.

И ны́не, и при́сно и во ве́ки веко́в. Ами́нь.  От Отца́ безле́тна Сы́на, в ле́то Богороди́тельнице неискусому́жно родила́ еси́, стра́нное чу́до, пребы́вши Де́ва доя́щи.

Вне времени от Отца родившегося Сына, Ты, Богородительница, во времени без мужа родила, и — дивное чудо! — Дева питает Сына молоком.

Ирмос: Утверди́, Го́споди, на ка́мени за́поведей Твои́х подви́гшееся се́рдце мое́, я́ко Еди́н Свят еси́ и Госпо́дь.

Утверди, Господи, на камне заповедей Твоих поколебавшееся сердце мое, ибо Ты один – Царь и Господь.

Господи, помилуй (трижды)

Свети́ла богозра́чная, Спа́совы апо́столи, просвети́те нас во тьме жития́, я́ко да во дни ны́не благообра́зно хо́дим, све́том воздержа́ния нощны́х страсте́й отбега́юще, и све́тлыя стра́сти Христо́вы у́зрим, ра́дующеся.

Светила сияющие благодатью Божией, жизни Спасителя очевидцы! Просветите нас, во тьме житейской пребывающих, чтобы нам как днем ныне ходить благообразно, светом воздержания ночные страсти отгоняя, и увидеть в радости Христовы светлые страдания.

Сла́ва Отцу́ и Сы́ну и Свято́му Ду́ху. Апо́стольская двоенадеся́тице богоизбра́нная, мольбу́ Христу́ ны́не принеси́, по́стное по́прище всем прейти́, соверша́ющим во умиле́нии моли́твы, творя́щим усе́рдно доброде́тели, я́ко да си́це предвари́м ви́дети Христа́ Бо́га сла́вное Воскресе́ние, сла́ву и хвалу́ принося́ще.

Двенадцать Апостолов богоизбранных! Мольбу Христу ныне принесите, чтобы всем нам путь поста пройти, совершая в сокрушении молитвы, исполняя добродетели с усердием, и так достигнуть созерцания славного воскресения Христа Бога, славу и хвалу Ему принося.

И ны́не, и при́сно и во ве́ки веко́в. Ами́нь.  Непостижи́маго Бо́га, Сы́на и Сло́во, несказа́нно па́че ума́ из Тебе́ ро́ждшееся, моли́ Богоро́дице со апо́столы, мир вселе́нней чи́стый пода́ти, и согреше́ний да́ти нам пре́жде конца́ проще́ние, и Ца́рствия Небе́снаго кра́йния ра́ди бла́гости, сподо́бити рабы́ Твоя́.

Непостижимого Бога, Сына и Слово, неизъяснимо, выше ума от Тебя рожденного, моли, Богородица вместе с Апостолами мир истинный даровать вселенной, и нам дать прежде конца прощение согрешений, и Царства Небесного по крайней благости удостоить рабов Твоих.

Песнь 4

Ирмос: Услы́ша проро́к прише́ствие Твое́, Го́споди, и убоя́ся, я́ко хо́щеши от Де́вы роди́тися и челове́ком яви́тися, и глаго́лаше: услы́шах слух Твой и убоя́хся, сла́ва си́ле Твое́й, Го́споди.

Услышал пророк о пришествии Твоем, Господи, и убоялся, что Ты хочешь от Девы родиться и людям явиться, и возглашал: «Услышал я весть о Тебе, и убоялся». Слава силе Твоей, Господи!

Припев: Поми́луй мя, Бо́же, поми́луй мя.

Дел Твои́х да не пре́зриши, созда́ния Твоего́ да не оста́виши, Правосу́де, а́ще и еди́н согреши́х, я́ко человек, па́че вся́каго челове́ка, Человеколю́бче, но и́маши, я́ко Госпо́дь всех, власть оставля́ти грехи́.

Дел Своих не презирай, созданием Своим не пренебрегай, Правосудный. Хоть и один я согрешил, как человек, более всякого человека, Человеколюбец, но Ты имеешь, как Господь всего, власть отпускать грехи.

Приближа́ется, душе́, коне́ц, приближа́ется, и неради́ши, ни гото́вишися, вре́мя сокраща́ется, воста́ни, близ при две́рех Судия́ есть, я́ко со́ние, я́ко цвет, вре́мя жития́ тече́т. Что всу́е мяте́мся?

Приближается, душа, конец, приближается, и ты не радеешь, не готовишься; время сокращается, восстань: близко, при дверях Судия. Как сон, как цвет, время жизни бежит, зачем мы напрасно мятемся?

Воспряни́, о душе́ моя́, дея́ния твоя́, я́же соде́лала еси́, помышля́й, и сия́ пред лице́ твое́ принеси́, и ка́пли испусти́ слез твои́х: рцы со дерзнове́нием дея́ния и помышле́ния Христу́, и оправда́йся.

Воспрянь, о душа моя! О совершенных тобою делах помышляй, и их пред очами своими представь, и капли пролей слез твоих, открой со дерзновением свои дела и помышления Христу и оправдайся.

Не бысть в житии́ греха́, ни дея́ния, ни зло́бы, ея́же аз, Спа́се, не согреши́х умо́м и сло́вом, и произволе́нием, и предложе́нием, и мы́слию, и дея́нием согреши́в, я́ко ин никто́же когда́.

Нет в жизни ни греха, ни деяния, ни зла, в которых бы я, Спаситель, не погрешил умом, и словом, и произволением, и намерением, и мыслью, и делом согрешил, как никто иной никогда.

Отсю́ду и осужде́н бых, отсю́ду препре́н бых аз окая́нный от своея́ со́вести, ея́же ничто́же в ми́ре нужне́йше, Судие́, Изба́вителю мой и ве́дче, пощади́ и изба́ви, и спаси́ мя, раба́ Твоего́.

Потому и осужден был, потому и обвинен я был, несчастный, своею совестью, которой ничего нет в мире строже; Судия и Избавитель мой, все ведающий! Пощади, избавь и спаси меня, раба Твоего.

Ле́ствица, ю́же ви́де дре́вле вели́кий в патриа́рсех, указа́ние есть, душе́ моя́, де́ятельнаго восхожде́ния, разу́мнаго возше́ствия, а́ще хо́щеши у́бо, дея́нием, и ра́зумом, и зре́нием пожи́ти, обнови́ся.

Лестница, которую видел в древности великий среди патриархов (Иаков), указывает, душа моя, на деятельный подъем и на разумное восхождение; потому, если желаешь жить в деяниях, и в познании, и в созерцании, – обновись.

Зной дневны́й претерпе́ лише́ния ра́ди патриа́рх, и мраз нощны́й понесе́, на всяк день снабде́ния творя́, пасы́й, тружда́яйся, рабо́таяй, да две жене́ сочета́ет.

Зной дневной претерпеть вынужден был патриарх (Иаков), и мороз ночной перенес, на всякий день прибыток творя, пася овец, сражаясь, рабски служа, чтобы с женами двумя сочетаться.

Жены́ ми две разуме́й, дея́ние же и ра́зум в зре́нии, Ли́ю у́бо дея́ние, я́ко многоча́дную; Рахи́ль же ра́зум, я́ко многотру́дную; и́бо кроме́ трудо́в, ни дея́ние, ни зре́ние, душе́, испра́вится.

Под женами двумя разумей деятельность и познание в созерцании: под Лией, как многодетною – деяние, под Рахилью же, как полученной многими трудами – познание, ибо без трудов ни деяния, ни созерцание, душа моя, не совершатся.

Бди о душе́ моя́! Изря́дствуй я́коже дре́вле вели́кий в патриа́рсех, да стя́жеши дея́ние с ра́зумом, да бу́деши ум зряй Бо́га и дости́гнеши незаходя́щий мрак в виде́нии, и бу́деши вели́кий купе́ц.

Бодрствуй, о душа моя, совершенствуйся, как великий среди патриархов (Иаков), чтобы приобрести тебе деяние с разумом, дабы обогатиться умом, зрящим Бога, и проникнуть в неприступный мрак созерцанием, и сделаться великим купцом.

Двана́десять патриа́рхов, вели́кий в патриа́рсех детотвори́в, та́йно утверди́ тебе́ ле́ствицу де́ятельнаго, душе́ моя́, восхожде́ния; де́ти, я́ко основа́ния, степе́ни, я́ко восхожде́ния, прему́дренно подложи́в.

Двенадцать патриархов великий среди патриархов породив Иаков, таинственно утвердил для тебя, душа моя, лестницу деятельного восхождения, премудро детей как ступени, а свои шаги – как восхождения по ним расположив.

Иса́ва возненави́деннаго подража́ла еси́, душе́, отдала́ еси́ преле́стнику твоему́ пе́рвыя добро́ты пе́рвенство, и оте́ческия моли́твы отпа́ла еси́, и два́жды поползну́лася еси́, окая́нная, дея́нием и ра́зумом, те́мже ны́не пока́йся.

Исаву презренному подражая, отдала ты, душа, своему соблазнителю первоначальной красоты первородство, и отеческой молитвы лишилась, и двояко подпала соблазну, несчастная: делом и разумом; потому ныне покайся.

Едо́м Иса́в нарече́ся, кра́йняго ра́ди женонеи́стовнаго смеше́ния, невоздержа́нием бо при́сно разжига́емь, и сластьми́ оскверня́емь, Едо́м именова́ся, е́же глаго́лется разжже́ние души́ любогрехо́вныя.

Эдомом Исав был прозван за крайнее к женам вожделение; невоздержанием постоянно пылая и наслаждениями оскверняясь, он был наименован Эдомом, что значит: «распаление души грехолюбивой».

И́ова на гно́ищи слы́шавши, о душе́ моя́, оправда́вшагося, того́ му́жеству не поревнова́ла еси́, тве́рдаго не име́ла еси́ предложе́ния во всех, я́же ве́си, и и́миже искуси́лася еси́, но яви́лася еси́ нетерпели́ва.

Об Иове, из-за бедствия оказавшемся на месте, куда сбрасывают отходы, услышав, ты, о душа моя, и его оправдании, не поревновала ему в мужестве, не имела твердой воли во всем, что узнала, что видела, что испытала, но оказалась нетерпеливой.

И́же пе́рвее на престо́ле, наг ны́не на гно́ищи гно́ен, мно́гий в ча́дех и сла́вный, безча́ден и бездо́мок напра́сно, пала́ту у́бо гно́ище, и би́серие стру́пы вменя́ше.

Бывший прежде на троне – теперь обнаженный, на гноище, в язвах; богатый детьми и славный стал бездетным и бездомным внезапно; и вот, чертогом своим считал он гноище и язвы – жемчугами.

Ца́рским досто́инством, венце́м и багряни́цею оде́ян, многоиме́нный челове́к и пра́ведный бога́тством кипя́ и ста́ды, внеза́пу бога́тства, сла́вы ца́рства обнища́в лиши́ся.

Царским достоинством, венцом украшенный и одетый в порфиру, человек владеющий имением многим и праведный, богатством изобилующий и стадами, внезапно богатства, славы, царства, обнищав, лишился.

А́ще пра́веден бя́ше он и непоро́чен па́че всех, и не убеже́ ловле́ния льсти́ваго и се́ти, ты же грехолюби́ва су́щи, окая́нная душе́, что сотвори́ши, а́ще чесо́му о недове́домых случи́тся наити́ тебе́?

Если праведен был он (Иов) и непорочен более всех, но не избежал козней и уловок обманщика, то ты, несчастная грехолюбивая душа, что сотворишь, если случится, что нечто нежданное постигнет тебя?

Те́ло оскверни́ся, дух окаля́ся, весь острупи́хся, но я́ко врач, Христе́, обоя́ покая́нием мои́м уврачу́й, омы́й, очи́сти, покажи́, Спа́се мой, па́че сне́га чисте́йша.

Тело мое осквернено, дух запятнан, струпьями весь я покрыт; но Ты, как врач, Христе, и то и другое моим покаянием уврачуй, омой, очисти, убели и покажи, Спаситель мой, меня чище снега.

Те́ло Твое́ и Кровь, распина́емый о всех, положи́л еси́, Сло́ве, Те́ло у́бо, да мя обнови́ши, Кровь, да омы́еши мя, дух же пре́дал еси́, да мя приведе́ши, Христе́, Твоему́ Роди́телю.

Тело Твое и Кровь, распинаемый за всех, предложил, Ты, Слово: Тело – чтобы меня воссоздать, Кровь – чтобы омыть меня. Дух же предал Ты, чтобы меня привести, Христе, к Твоему Родителю.

Соде́лал еси́ спасе́ние посреде́ земли́, Ще́дре, да спасе́мся. Во́лею на дре́ве распя́лся еси́. Еде́м затворе́нный отве́рзеся, го́рняя и до́льняя тварь, язы́цы вси спасе́ни покланя́ются Тебе́.

Совершил Ты спасение посреди земли, Милосердный: чтобы мы спаслись, Ты добровольно на Древе был распят; Эдем затворенный открылся; небесное и земное творение и все народы, спасенные, поклоняются Тебе.

Да бу́дет ми купе́ль, кровь из ребр Твои́х, вку́пе и питие́, источи́вшее во́ду оставле́ния, да обою́ду очища́юся, помазу́яся и пия́, я́ко пома́зание и питие́, Сло́ве, живото́чная Твоя́ словеса́.

Да будет мне купелью кровь из ребер Твоих и вместе с тем - источником, источившим воду прощения, чтобы мне всецело очиститься, умащаясь и насыщаясь как помазанием и питием, Слово, животворными Твоими словами.

Наг есмь черто́га, наг есмь и бра́ка, ку́пно и ве́чери, свети́льник угасе́, я́ко безъеле́йный, черто́г заключи́ся мне спя́щу, ве́черя снеде́ся, аз же по руку́ и но́гу свя́зан, вон низве́ржен есмь.

Лишен я дворца, лишен и свадебного торжества, а вместе – и брачного пира; светильник погас, ибо нет в нем масла, дворец, пока я спал, затворился, брачный пир окончен, а я по рукам и ногам связан и выброшен вон.

Ча́шу Це́рковь стяжа́, ре́бра Твоя́ живоно́сная, из ни́хже сугу́быя нам источи́ то́ки, оставле́ния и ра́зума, во о́браз дре́вняго и но́ваго двои́х вку́пе заве́тов, Спа́се наш.

Как чашу Церковь обрела ребра Твои живоносные, из которых двойной нам излился поток: прощения грехов и познания, во образ Ветхого и Нового, – двух вместе Заветов, Спаситель наш.

Вре́мя живота́ моего́ ма́ло, и испо́лнено боле́зней и лука́вства, но в покая́нии мя приими́, и в ра́зум призови́, да не бу́ду стяжа́ние, ни бра́шно чужде́му, Спа́се, Сам мя уще́дри.

Время жизни моей кратко и преисполнено страданий и порока; но в покаянии меня прими и призови к познанию истины, чтобы не стать мне добычей и пищей врага, Ты Сам, Спаситель, надо мною сжалься.

Высокоглаго́лив ны́не есмь, жесто́к же и се́рдцем, вотще́ и всу́е, да не с фарисе́ем осу́диши мя, па́че же мытаре́во смире́ние пода́ждь ми, еди́не Ще́дре, Правосу́де, и сему́ мя сочисли́.

Высокомерен я ныне в словах, дерзок также и сердцем необдуманно и безрассудно; вместе с фарисеем не осуди меня, но смирение мытаря мне даруй, единый Милостивый и Правосудный, с ним и меня сопричисли.

Согреши́х, досади́в сосу́ду пло́ти моея́, вем, Ще́дре, но в покая́нии мя приими́, и в ра́зум призови́, да не бу́ду стяжа́ние, ни бра́шно чужде́му, Спа́се, Сам мя уще́дри.

Согрешил я, надругавшись над сосудом плоти моей, знаю, Милосердный; но в покаянии меня прими и в познание истины призови, дабы не стать мне добычей и пищей врага, Ты Сам, Спаситель, надо мною сжалься.

Самоистука́н бых страстьми́, ду́шу мою́ вредя́, Ще́дре, но в покая́нии мя приими́, и в ра́зум призови, да не бу́ду стяжа́ние, ни бра́шно чужде́му, Спа́се, Сам мя уще́дри.

В идола я сам себя превратил, страстями душу свою осквернив, о Милосердный; но в покаянии меня прими и в познание истины призови, чтобы не стать мне добычей и пищей врага, Ты Сам, Спаситель, надо мною сжалься.

Не послу́шах гла́са Твоего́, преслу́шах писа́ние Твое́ законополо́жника, но в покая́нии мя приими́, и в ра́зум призови́, да не бу́ду стяжа́ние, ни бра́шно чужде́му, Спа́се, Сам мя уще́дри.

Не слушал я голоса Твоего, не послушался Писания Твоего, Законодатель; но в покаянии меня прими и в познание истины призови, чтобы не стать мне добычей и пищей врага, Ты Сам, Спаситель, надо мною сжалься.

Припев: Преподо́бная ма́ти Мари́е, моли́ Бо́га о нас.

Безпло́тных жи́тельство в пло́ти преходя́щи, благода́ть преподо́бная к Бо́гу ве́лию вои́стинну прия́ла еси́, ве́рно о чту́щих тя предста́тельствуй. Те́мже мо́лим тя, от вся́ких напа́стей и нас моли́твами твои́ми изба́ви.

Образ жизни бесплотных Ангелов во плоти пройдя, получила ты воистину, преподобная, величайшую пред Богом благодать за чтущих тебя с верою предстательствовать; потому молим: и нас избавь от всяких напастей молитвами твоими.

Припев: Преподо́бная ма́ти Мари́е, моли́ Бо́га о нас.

 

Вели́ких безме́стий во глубину́ низве́дшися, неодержи́ма была́ еси́, но востекла́ еси́ по́мыслом лу́чшим, к кра́йней дея́ньми я́ве доброде́тели пресла́вно, а́нгельское естество́, Мари́е, удиви́вши.

Во глубину великих непотребств увлеченная, ты не удержана была ими, но явно взошла помыслом добрым посредством деяний до высочайшей добродетели предивно, ангельское естество, Мария, удивив.

Припев: Преподо́бне о́тче Андре́е, моли́ Бо́га о нас.

Андре́е, оте́ческая похвало́, моли́твами твои́ми не преста́й моля́ся, предстоя́ Тро́ице Пребоже́ственней, я́ко да изба́вимся муче́ния, любо́вию предста́теля тя боже́ственнаго всеблаже́нне призыва́ющии, Кри́ту удобре́ние.

Ты, Андрей - святых отцов похвала и Крита украшение! Предстоя Троице пребожественной, не прекращай в молитвах твоих просить усердно об избавлении от наказания нас, с любовью призывающих, тебя – божественного защитника.

Сла́ва Отцу́ и Сы́ну и Свято́му Ду́ху. Неразде́льное Существо́м, несли́тное Ли́цы, богосло́влю Тя, Тро́ическое Еди́но Божество́, я́ко единоца́рственное и сопресто́льное, вопию́ Ти песнь вели́кую, в вы́шних трегу́бо песносло́вимую.

Нераздельное по существу и неслиянное в Лицах, богословствую о Тебе, Тро́ичное Единое Божество, как о единоцарственном и сопрестольном. Возглашаю Тебе песнь великую, в мире горнем троекратно воспеваемую.

И ны́не, и при́сно и во ве́ки веко́в. Ами́нь.  И ражда́еши и де́вствуеши, и пребыва́еши обою́ду естество́м Де́ва, Рожде́йся обновля́ет зако́ны естества́, утро́ба же ражда́ет неражда́ющая. Бог иде́же хо́щет, побежда́ется естества́ чин, твори́т бо ели́ка хо́щет.

И рождаешь, и остаешься Девой, сохраняя всегда девство по естеству; Рожденный от Тебя обновляет законы естества, и рождает чрево девственное. Где угодно Богу, там преодолевается порядок естества, ибо Он творит все, что хочет.

Песнь 5

Ирмос: От нощи́ у́тренююща, Человеколю́бче, просвети́, молю́ся, и наста́ви и мене́ на повеле́ния Твоя́, и научи́ мя, Спа́се, твори́ти во́лю Твою́.

От ночи, с рассвета стремящегося к Тебе, Человеколюбец, просвети, молю, и наставь и меня в повелениях Твоих, и научи меня, Спаситель, творить волю Твою.

Припев: Поми́луй мя, Бо́же, поми́луй мя.

В нощи́ житие́ мое́ преидо́х при́сно, тьма бо бысть и глубока́ мне мгла, нощь греха́, но я́ко дне сы́на, Спа́се, покажи́ мя.

В ночи жизнь мою я проводил постоянно, ибо мраком и глубокою мглою была для меня ночь греха; но сыном дня, Спаситель, покажи меня.

Руви́ма подража́я окая́нный аз, соде́ях беззако́нный и законопресту́пный сове́т на Бо́га Вы́шняго, оскверни́в ло́же мое́, я́ко о́тчее он.

Рувиму подражая, я, несчастный, совершил беззаконный и преступный замысел пред Богом Всевышним, осквернив ложе мое, как тот ложе отца.

Испове́даюся Тебе́, Христе́ Царю́, согреши́х, согреши́х, я́ко пре́жде Ио́сифа бра́тия прода́вшии, чистоты́ плод и целому́дрия.

Исповедаюсь пред Тобою, Христос-Царь: согрешил, согрешил я, как некогда братья, продавшие Иосифа – плод чистоты и целомудрия.

От сро́дников пра́ведная душа́ связа́ся, прода́ся в рабо́ту сла́дкий, во о́браз Госпо́день, ты же вся, душе́, продала́ся еси́ злы́ми твои́ми.

Сродниками праведная душа была связана, продан был в рабство возлюбленный, – в прообраз Господа; ты же, душа, сама всю себя продала злым делам твоим.

Ио́сифа пра́веднаго и целому́дреннаго ума́ подража́й окая́нная и неиску́сная душе́, и не оскверня́йся безслове́сными стремле́ньми при́сно беззако́ннующи.

Праведного и целомудренного Иосифа разуму подражай, несчастная и жалкая душа, и не оскверняйся безрассудными стремлениями, непрестанно творя беззакония.

А́ще и в ро́ве поживе́ иногда́ Ио́сиф, Влады́ко Го́споди, но во о́браз погребе́ния и воста́ния Твоего́, аз же что Тебе́ когда́ сицево́е принесу́?

Если и был некогда во рве Иосиф, Владыка Господи, но в прообраз погребения и Воскресения Твоего; я же что Тебе когда подобное принесу?

Моисе́ов слы́шала еси́ ковче́жец, душе́, вода́ми, волна́ми носи́м ре́чными, я́ко в черто́зе дре́вле бе́гающий де́ла го́рькаго сове́та фараони́тска.

О Моисее, в корзинке спасенном, ты слышала, душа, в древности по воде носимом волнами речными; и как в царском дворце он избежал горького бедствия, задуманного фараоном.

А́ще жены, слы́шала еси́, убива́ющия иногда́ безвозра́стное му́жеское, душе́ окая́нная, целому́дрия дея́ние, ны́не, я́ко вели́кий Моисе́й, сси прему́дрость.

О повивальных бабках ты слышала, несчастная душа, что должны были некогда они убивать младенцев мужского пола – действие целомудрия; но теперь, как великий Моисей, пей молоко премудрости.

Я́ко Моисе́й вели́кий, еги́птянина, ума́ уязви́вши, окая́нная, не уби́ла еси́, душе́, и ка́ко всели́шися, глаго́ли, в пусты́ню страсте́й покая́нием?

Как Моисей великий египетскому образу мыслей удар нанеся, ты, несчастная душа, его не уничтожила; и как ты переселишься, скажи, в пустыню покаянием в своих страстях?

В пусты́ню всели́ся вели́кий Моисе́й, гряди́ у́бо подража́й того́ житие́, да и в купине́ богоявле́ния, душе́, в виде́нии бу́деши.

В пустыне поселился великий Моисей; иди же и ты, душа, подражай его жизни, дабы и тебе при созерцании Богоявления в терновом кусте присутствовать.

Моисе́ов жезл вообража́й, душе́, ударя́ющий мо́ре и огустева́ющий глубину́, во о́браз Креста́ Боже́ственнаго, и́мже мо́жеши и ты вели́кая соверши́ти.

Моисеев жезл изобрази, душа, ударивший море и сделавший густой глубину, знамением Креста божественного, которым сможешь и ты великое совершить.

Ааро́н приноша́ше огнь Бо́гу, непоро́чный, неле́стный, но Офни́ и Финее́с, я́ко ты, душе́, приноша́ху чужде́е Бо́гу оскверне́нное житие́.

Аарон приносил Богу огонь беспримесный, чистый; но Офни и Финеес принесли как ты, душа, отчужденную от Бога нечистую жизнь.

Я́ко тя́жкий нра́вом, фарао́ну го́рькому бых, Влады́ко, Ианни́, и Иамври́, душе́ю и те́лом, и погруже́н умо́м, но помози́ ми.

Как тяжкий нравом, фараону жестокому, Владыка, стал я Ианнием и Иамврием душою и телом и погряз умом; но помоги мне.

Ка́лом смеси́хся окая́нный умо́м, омы́й мя, Влады́ко, ба́нею мои́х слез, молю́ Тя, пло́ти моея́ оде́жду убели́в я́ко снег.

С грязью смешал я, несчастный, свой ум, но омой меня, Владыка, в купели моих слез, молю Тебя, плоти моей одежду убелив как снег.

А́ще испыта́ю моя́ дела́, Спа́се, вся́каго челове́ка превозше́дша греха́ми себе́ зрю, я́ко ра́зумом му́дрствуяй согреши́х, не неве́дением.

Если стану я испытывать дела мои, Спаситель, то вижу, что я всякого человека грехами превзошел, ибо в полном сознании я грешил, не в неведении.

Пощади́, пощади́, Го́споди, созда́ние Твое́, согреши́х, осла́би ми, я́ко естество́м чи́стый Сам сый еди́н, и ин ра́зве Тебе́ никто́же есть кроме́ скве́рны.

Пощади, пощади, Господи, создание твое. Согрешил я – прости мне, ибо Ты один только чист естеством, и никто другой, кроме Тебя, не пребывает без скверны.

Мене́ ра́ди Бог сый, вообрази́лся еси́ в мя, показа́л еси́ чудеса́, исцели́в прокаже́нныя, и разсла́бленнаго стягну́в, кровоточи́выя ток уста́вил еси́, Спа́се, прикоснове́нием риз.

Ради меня, будучи Богом, Ты принял мой образ, показал чудеса, исцелив прокаженных и расслабленных укрепив, остановив у кровоточивой ток крови, Спаситель, прикосновением к краю риз.

Кровоточи́вую подража́й, окая́нная душе́, притецы́, удержи́ оме́ты Христо́вы, да изба́вишися ран, и услы́шиши от Него́: ве́ра твоя́ спасе́ тя.

Кровоточивой подражай, бедная душа, поспеши, ухватись за край Христовой ризы, чтобы от болезни тебе избавиться и услышать от Него: «Вера твоя спасла тебя!»

Ни́зу снича́щую подража́й о душе́, прииди́, припади́ к нога́ма Иису́совыма, да тя испра́вит, и да хо́диши пра́во стези́ Госпо́дни.

Долу согбенной подражай, о душа, приди, припади к ногам Иисуса, дабы Он распрямил тебя, и ты прямо пошла бы по путям Господним.

А́ще и кла́дязь еси́ глубо́кий, Влады́ко, источи́ ми во́ду из пречи́стых Твои́х жил, да я́ко самаряны́ня, не ктому́ пия́й жа́жду, жи́зни бо струи́ источа́еши.

Хотя Ты и глубокий колодец, Владыка, но источи мне потоки из пречистых Твоих жил, чтобы, как самарянка, испив, я больше не жаждал: ибо струи жизни Ты источаешь.

Силоа́м да бу́дут ми сле́зы моя́, Влады́ко Го́споди, да умы́ю и аз зе́ницы се́рдца, и ви́жду Тя у́мно, Све́та преве́чна.

Водоемом Силоамским да будут для меня слезы мои, Владыка Господи, да умою и я очи сердца моего и увижу мысленно Тебя, Свет Предвечный.

Припев: Преподо́бная ма́ти Мари́е, моли́ Бо́га о нас.

 

Несравне́нным жела́нием, всебога́тая, Дре́ву возжеле́вши поклони́тися живо́тному, сподо́билася еси́ жела́ния, сподо́би у́бо и мене́ улучи́ти вы́шния сла́вы.

С ничем не сравнимой любовью Древу Креста захотела ты поклониться и удостоилась желаемого; удостой же и меня, всеблаженная, высшей славы достигнуть.

Припев: Преподо́бная ма́ти Мари́е, моли́ Бо́га о нас.

 

Струи́ Иорда́нския преше́дши, обрела́ еси́ поко́й безболе́зненный, пло́ти сла́сти избежа́вши, ея́же и нас изми́ твои́ми моли́твами, преподо́бная.

Потоки иорданские ты перешла и обрела покой безболезненный, плотского услаждения избежав; от него и нас избавь твоими молитвами, преподобная.

Припев: Преподо́бне о́тче Андре́е, моли́ Бо́га о нас.

Я́ко па́стырей изря́днейша, Андре́е прему́дре, избра́нна су́ща тя, любо́вию ве́лию и стра́хом молю́, твои́ми моли́твами спасе́ние улучи́ти, и жизнь ве́чную.

Как пастыря превосходнейшего и истинного избранника, тебя, Андрей премудрый, с любовию великою и страхом молю, да спасение получу по твоим ходатайствам и жизнь вечную.

Сла́ва Отцу́ и Сы́ну и Свято́му Ду́ху. Тя, Тро́ице, сла́вим, Еди́наго Бо́га, Свят, Свят, Свят еси́ О́тче, Сы́не и Ду́ше, про́стое Существо́, Еди́нице при́сно покланя́емая.

Тебя, Троица, мы славим, Единого Бога: Свят, свят, свят Ты: Отец, Сын и Дух, – простое Существо, Еди́ница непрестанно поклоняемая.

И ны́не, и при́сно и во ве́ки веко́в. Ами́нь.  Из Тебе́ облече́ся в мое́ смеше́ние, нетле́нная безму́жная Ма́ти Де́во, Бог созда́вый ве́ки, и соедини́ Себе́ челове́ческое естество́.

Из Тебя облекся в мой состав, нетленная, не знавшая мужа Матерь-Дева, Бог, века сотворивший, и соединил с Собою человеческое естество.

Песнь 6

Ирмос: Возопи́х всем се́рдцем мои́м к ще́дрому Бо́гу, и услы́ша мя от а́да преиспо́дняго, и возведе́ от тли живо́т мой.

Воззвал я всем сердцем моим к милосердному Богу, и Он услышал меня из ада глубочайшего, и вывел из погибели жизнь мою.

Припев: Поми́луй мя, Бо́же, поми́луй мя.

Сле́зы, Спа́се, о́чию мое́ю, и из глубины́ воздыха́ния чи́сте приношу́, вопию́щу се́рдцу: Бо́же, согреши́х Ти, очи́сти мя.

Слезы, Спаситель, очей моих, и из глубины стенания искренно приношу с воплем сердца: «Боже, я согрешил пред Тобою, будь милостив ко мне!»

Уклони́лася еси́, душе́, от Го́спода твоего́, я́коже Дафа́н и Авиро́н, но пощади́, воззови́ из а́да преиспо́дняго, да не про́пасть земна́я тебе́ покры́ет.

Уклонилась ты, душа, от Господа твоего, как Дафан и Авирон; но о пощаде воззови из ада преисподнего, чтобы пропасть земная тебя не покрыла.

Я́ко ю́ница, душе́, разсвире́певшая, уподо́билася еси́ Ефре́му, я́ко се́рна от тене́т сохрани́ житие́, впери́вши дея́нием ум и зре́нием.

Как телица рассвирепевшая уподобилась ты, душа, Ефрему; но как серну от сетей, сохрани жизнь свою, окрылив ум деяниями и созерцанием.

Рука́ нас Моисе́ова да уве́рит, душе́, ка́ко мо́жет Бог прокаже́нное житие́ убели́ти и очи́стити, и не отча́йся сама́ себе́, а́ще и прокаже́нна еси́.

Рука Моисея да уверит нас, душа, как может Бог прокаженную жизнь убелить и очистить, и не отчаивайся сама за себя, хотя и прокаженна ты.

Во́лны, Спа́се, прегреше́ний мои́х, я́ко в мо́ри Чермне́м возвраща́ющеся, покры́ша мя внеза́пу, я́ко Еги́птяны иногда́ и триста́ты.

Волны, Спаситель, грехов моих, как в Красном море, возвратившись, внезапно покрыли меня, как некогда египтян и их колесницы.

Неразу́мное, душе́, произволе́ние име́ла еси́, я́ко пре́жде Изра́иль, Боже́ственныя бо ма́нны предсуди́ла еси́ безслове́сно, любосла́стное страсте́й объяде́ние.

Неразумен твой выбор, душа, как у Израиля в древности: ибо божественной манне ты предпочла безрассудно сластолюбивое страстями пресыщение.

Кладенцы́, душе́, предпочла́ еси́ ханане́йских мы́слей, па́че жи́лы ка́мене, из него́же прему́дрости река́, я́ко ча́ша, пролива́ет то́ки богосло́вия.

Колодцы предпочла ты, душа, хананейских помыслов камню с чудесным источником воды, из которого как бы премудрости чаша проливает струи богословия.

Свина́я мяса́ и котлы́, и Еги́петскую пи́щу, па́че небе́сныя предсуди́ла еси́, душе́ моя́, я́коже дре́вле неразу́мнии лю́дие в пусты́ни.

Свиное мясо, и котлы, и египетскую пищу небесной пище предпочла ты, душа моя, как некогда безрассудный народ в пустыне.

Я́ко уда́ри Моисе́й, раб Твой, жезло́м ка́мень, обра́зно животвори́вая ре́бра Твоя́ прообразова́ше, из ни́хже вси питие́ жи́зни, Спа́се, почерпа́ем.

Когда ударил Моисей, служитель Твой, жезлом о камень, он образно предизобразил животворящие ребра Твои, из которых все мы, Спаситель, черпаем напиток жизни.

Испыта́й, душе́, и смотряй, я́коже Иису́с Нави́н, обетова́ния зе́млю, какова́ есть, и всели́ся в ню благозако́нием.

Испытай, душа, и обозри, как Иисус Навин, обетованную землю, какова она, и поселись в ней чрез исполнение Закона.

Воста́ни и побори́, я́ко Иису́с Амали́ка, плотски́я стра́сти, и гаваони́ты, ле́стныя по́мыслы при́сно побежда́ющи.

Бробудись и покори, как Иисус Навин Амалика, плотские страсти, и гаваонитян, – обманчивые помыслы всегда побеждая.

Преиди́ вре́мене теку́щее естество́, я́ко пре́жде ковче́г, и земли́ о́ныя бу́ди во одержа́нии обетова́ния, душе́, Бог повелева́ет.

Перейди времени текущее естество, как некогда Ковчег Завета через Иордан, и вступи в обладание тою землей обетования, душа: Бог повелевает.

Я́ко спасл еси́ Петра́ возопи́вша, спаси́, предвари́в мя, Спа́се, от зве́ря изба́ви, просте́р Твою́ ру́ку, и возведи́ из глубины́ грехо́вныя.

Как спас Ты апостола Петра воззвавшего, поспешив, спаси и меня, Спаситель, от зверя меня избавь, простерши руку Твою, и возведи из глубины греховной.

Приста́нище Тя вем ути́шное, Влады́ко, Влады́ко Христе́, но от незаходи́мых глуби́н греха́ и отча́яния мя предвари́в изба́ви.

Пристанище Тебя знаю тихое, Владыка, Владыка Христе; но от непостижимых глубин греха и отчаяния меня, поспешив, избавь.

Аз есмь, Спа́се, ю́же погуби́л еси́ дре́вле ца́рскую дра́хму, но вжег свети́льник Предте́чу Твоего́, Сло́ве, взыщи́ и обря́щи Твой о́браз.

Спаситель, я – потерявшаяся у Тебя некогда царская драхма; но, возжегши светильник – Предтечу Твоего, Слово, взыщи и найди Твой образ.

Припев: Преподо́бная ма́ти Мари́е, моли́ Бо́га о нас.

Да страсте́й пла́мень угаси́ши, слез ка́пли источи́ла еси́ при́сно, Мари́е, душе́ю распаля́ема, и́хже благода́ть пода́ждь и мне, твоему́ рабу́.

Чтобы пламя страстей угасить, слез ручьи проливала ты непрестанно, Мария, душою воспламеняясь; их благодать подавай и мне, твоему рабу.

 

Припев: Преподо́бная ма́ти Мари́е, моли́ Бо́га о нас.

Безстра́стие небе́сное стяжа́ла еси́, кра́йним на земли́ житие́м ма́ти. Те́мже тебе́ пою́щим, от страсте́й изба́витися моли́твами твои́ми, моли́ся.

 

Бесстрастие небесное стяжала ты, матерь, высочайшим житием на земле; потому моли, чтобы и тебя воспевающим избавиться от страстей ходатайствами твоими.

Припев: Преподо́бне о́тче Андре́е, моли́ Бо́га о нас.

 

Кри́тскаго тя па́стыря и председа́теля, и вселе́нныя моли́твенника ве́дый, притека́ю Андре́е и вопию́ ти: изми́ мя, о́тче, из глубины́ греха́.

 

Тебя, как Критского пастыря и предстоятеля, и ходатая за вселенную зная, прибегаю, к тебе, Андрей, и взываю тебе: «Избавь меня, отче, из глубины греха!»

 

Сла́ва Отцу́ и Сы́ну и Свято́му Ду́ху. Тро́ица есмь про́ста, неразде́льна, разде́льна Ли́чне, и Еди́ница есмь Естество́м соедине́на, Оте́ц глаго́лет, и Сын, и Боже́ственный Дух.

 

«Троица Я несложная, нераздельная, различаемая по Лицам, и Единство, естеством соединенное», – Отец возглашает, и Сын, и Божественный Дух.

 

И ны́не и при́сно и во ве́ки веко́в. Ами́нь.  Утро́ба Твоя́ Бо́га нам роди́, воображе́нна по нам: Его́же, я́ко Созда́теля всех, моли́ Богоро́дице, да Твои́ми моли́твами оправди́мся.

 

Чрево Твое Бога родило нам, Принявшего наш образ, Которого как Творца всего моли, Богородица, чтобы нам по молитвам Твоим оправдаться.

 

Ирмос: Возопи́х всем се́рдцем мои́м к ще́дрому Бо́гу, и услы́ша мя от а́да преиспо́дняго, и возведе́ от тли живо́т мой.

 

Воззвал я всем сердцем моим к милосердному Богу, и Он услышал меня из ада глубочайшего, и вывел из погибели жизнь мою.

 

Господи, помилуй (трижды)

 

Кондак, глас 6

Душе́ моя́, душе́ моя́, воста́ни, что спи́ши? Коне́ц приближа́ется, и и́маши смути́тися. Воспряни́ у́бо, да пощади́т тя Христо́с Бог, везде́ сый и вся́ исполня́яй.

 

Душа моя, душа моя, восстань, что ты спишь? Конец приближается, и предстоит тебе смутиться. Воспрянь же, да пощадит тебя Христос Бог, вездесущий и все наполняющий!

 

Икос

Христо́во врачевство́ ви́дя отве́рсто, и от Сего́ Ада́му истека́ющее здра́вие, пострада́, уязви́ся диа́вол, и я́ко бе́дствуя рыда́ше, и свои́м друго́м возопи́: что сотворю́ Сы́ну Мари́ину, убива́ет мя Вифлее́млянин, И́же везде́ сый и вся исполня́яй.

 

Видя Христову лечебницу отверстой и истекающее из нее Адаму здравие, стал мучиться, был поражен диавол, и, как терпящий бедствие, рыдал и своим друзьям возопил: «Что мне делать с Сыном Марии? убивает меня Вифлеемлянин, вездесущий и все наполняющий!»

Блаженны, глас 6:

Во Ца́рствии Твое́м, помяни́ нас Го́споди, егда́ прии́деши во ца́рствии Твое́м.

 

Разбо́йника, Христе́, рая́ жи́теля сотвори́л еси́, на Кресте́ Тебе́ возопи́вша: помяни́ мя, того́ покая́нию сподо́би и мене́ недосто́йнаго.

Разбойника, на кресте «Помяни меня!» Тебе возгласившего, Ты, Христе, прежде всех рая гражданином сделал. Покаяния его удостой и меня, недостойного.

Блаже́ни ни́щии ду́хом, я́ко тех есть Ца́рство Небе́сное.

Мано́я слы́шавши дре́вле, душе́ моя́, Бо́га в явле́нии бы́вша, и из непло́дове тогда́ прие́мша плод обетова́ния, того́ благоче́стие подража́й.

О Маное слышала ты, душа моя, в древности при явлении Бога присутствовавшем и принявшем тогда от неплодной жены плод обетования; его благочестию будем подражать.

Блаже́ни пла́чущии, я́ко ти́и уте́шатся.

Сампсо́новой поревнова́вши ле́ности, главу́ остри́гла еси́, душе́, дел твои́х, преда́вши иноплеме́нником, любосла́стием целому́дренную жизнь и блаже́нную.

Подражая беспечности Самсона, ты остригла славу дел твоих, душа, ради сладострастия иноплеменникам предав жизнь целомудренную и блаженную.

Блаже́ни кро́тцыи, я́ко ти́и насле́дят зе́млю.

Пре́жде че́люстию о́слею победи́вый иноплеме́нники, ны́не плене́ние ласкосе́рдству стра́стному обре́теся, но избе́гни, душе́ моя́, подража́ния, дея́ния и сла́бости.

Прежде челюстью ослиною Самсон, победивший иноплеменников, ныне жертвою напрасной оказался из-за распутства страстного; но избегни подражания, душа моя, этому его деянию и ослаблению.

Блаже́ни а́лчущии и жа́ждущии пра́вды, я́ко ти́и насы́тятся.

Вара́к и Иеффа́й военача́льницы, судии́ Изра́илевы предпочте́ни бы́ша, с ни́миже Дево́рра мужеу́мная, тех до́блестьми, душе́, вмужи́вшися укрепи́ся.

Варак и Иеффай, военачальники, судьями Израиля были избраны, с ними и Деворра, равная мужам умом; доблестями их, душа, мужество стяжав, укрепись.

Блаже́ни ми́лостивии, я́ко ти́и поми́ловани бу́дут.

Иаи́лино хра́брство позна́ла еси́, душе́ моя́, Сиса́ра дре́вле пробо́дшую, и спасе́ние соде́лавшую, дре́вом о́стрым, слы́шиши, и́мже тебе́ Крест образу́ется.

О мужестве Иаили узнала ты, душа моя, Сисару в древности пронзившей, и спасение соделавшей древом острым, – слышишь, – которым для тебя Крест изображается.

Блаже́ни чи́стии се́рдцем, я́ко ти́и Бо́га у́зрят.

Пожри́, душе́, же́ртву похва́льную, дея́ние, я́ко дщерь, принеси́, от Иеффа́евы чисте́йшую, и заколи́, я́ко же́ртву, стра́сти плотски́я Го́сподеви твоему́.

 

Соверши жертву похвальную, душа: принеси деяния, как дочь, Иеффаевой чистейшую, и заколи, как жертву, страсти плоти Господу твоему.

Блаже́ни миротво́рцы, я́ко ти́и сы́нове Бо́жии нареку́тся.

Гедео́ново руно́ помышля́й, душе́ моя́, с небесе́ ро́су подыми́, и прини́кни я́коже пес и пий во́ду, от зако́на теку́щую, изгнете́нием пи́сменным.

О руне Гедеона размышляй, душа моя, с небес росу приими, и склонись, и пей как пес струю, из Закона текущую, извлекаемую из буквы Писания.

Блаже́ни изгна́ни пра́вды ра́ди, я́ко тех есть Ца́рство Небе́сное.

Или́и свяще́нника осужде́ние, душе́ моя́, восприя́ла еси́, лише́нием ума́ приобре́тши стра́сти себе́, я́коже он ча́да, де́лати беззако́нная.

Илия священника осуждение, душа моя, навлекла ты на себя по недостатку разума, допустив страстям действовать в себе, как он сыновьям своим делать беззаконие.

Блаже́ни есте́, егда́ поно́сят вам, и изжену́т, и реку́т всяк зол глаго́л на вы лжу́ще Мене́ ра́ди.

В судия́х Леви́т, небреже́нием свою́ жену́, двана́десятим коле́ном раздели́, душе́ моя́, да скве́рну обличи́т от Вениами́на беззако́нную.

Во дни Судей левит во гневе жену свою двенадцати коленам разделил, душа моя, дабы над позором восторжествовать вышедшего от Вениамина беззакония.

Ра́дуйтеся и весели́теся, я́ко мзда ва́ша мно́га на небесе́х.

Любому́дренная А́нна моля́щися, устне́ у́бо двиза́ше ко хвале́нию, глас же ея́ не слы́шашеся, но оба́че непло́дна су́щи, сы́на моли́твы ражда́ет досто́йна.

Премудрая Анна, молясь, лишь губами для хваления двигала, голос же ее не был слышен; но однако же, будучи неплодной, рождает сына, молитвы достойного.

Помяни́ нас, Го́споди, егда́ прии́деши во Ца́рствии Твое́м.

В судия́х спричте́ся А́ннино порожде́ние, вели́кий Саму́ил, его́же воспита́ла Армафе́ма в дому́ Госпо́дни, тому́ поревну́й, душе́ моя́, и суди́ пре́жде ине́х дела́ твоя́.

К судьям было причтено Анны чадо, Самуил великий, которого она, Армафема жительница в Дом Господень на воспитание отдала; ему ревнуй, душа моя, и суди прежде всего другого дела свои.

Помяни́ нас, Влады́ко, егда́ прии́деши во Ца́рствии Твое́м.

Дави́д на ца́рство избра́н, ца́рски пома́зася ро́гом Боже́ственнаго ми́ра; ты у́бо, душе́ моя́, а́ще хо́щеши вы́шняго Ца́рствия, ми́ром пома́жися слеза́ми.

Давид, на царство избранный, был по-царски помазан из рога миром божественным; ты же, душа моя, если хочешь вышнего Царства, как миром помажься слезами.

Помяни́ нас, Святы́й, егда́ прии́деши во Ца́рствии Твое́м.

Поми́луй созда́ние Твое́, Ми́лостиве, уще́дри руку́ Твое́ю творе́ние, и пощади́ вся согреши́вшия, и мене́ па́че всех, Твои́х презре́вшаго повеле́ний.

Помилуй создание Твое, Милостивый, сжалься над творением рук Твоих, и пощади всех согрешивших, и меня, более всех презревшего Твои повеления.

Сла́ва Отцу́ и Сы́ну и Свято́му Ду́ху. Безнача́льну, и рожде́нию же и происхожде́нию, Отцу́ покланя́юся ро́ждшему, Сы́на сла́влю рожде́ннаго, пою́ сопросия́вшаго Отцу́ же и Сы́ну, Ду́ха Свята́го.

Безначальность, и рождение, и исхождение исповедуя, поклоняюсь Отцу родившему, славлю Сына рожденного, воспеваю просиявшего со Отцом и Сыном – Духа Святого.

И ны́не, и при́сно и во ве́ки веко́в. Ами́нь. Преесте́ственному Рождеству́ Твоему́ покланя́емся, по естеству́ сла́вы Младе́нца Твоего́ не разделя́юще, Богороди́тельнице, И́же бо еди́н лице́м, сугу́быми испове́дуется естествы́.

Сверхъестественному Рождению от Тебя поклоняемся, славы Младенца Твоего, Божия Родительница, по естеству Ему присущей, не разделяя; ибо Тот, Кто един Лицом, исповедуется в двух естествах.

Песнь 7

Ирмос: Согреши́хом, беззако́нновахом, непра́вдовахом пред Тобо́ю, ниже́ соблюдо́хом, ниже́ сотвори́хом, я́коже запове́дал еси́ нам; но не преда́ждь нас до конца́, отце́в Бо́же.

Согрешили мы, соделали беззаконие, неправду пред Тобою, и не соблюли, и не сотворили, как Ты заповедал нам. Но не предай нас до конца, отцов Боже!

Припев: Поми́луй мя, Бо́же, поми́луй мя.

Согреши́х, беззако́нновах, и отверго́х за́поведь Твою́, я́ко во гресе́х произведо́хся и приложи́х я́звам стру́пы себе́: но Сам мя поми́луй, я́ко Благоутро́бен, отце́в Бо́же.

 

Согрешил я, соделал беззаконие, и отверг заповедь Твою, так как и рожден был уже во грехах, и еще приложил к своим язвам раны; но Сам помилуй меня, Милосердный отцов Боже.

Та́йная се́рдца моего́ испове́дах Тебе́, Судии́ моему́, виждь мое́ смире́ние, виждь и скорбь мою́, и вонми́ суду́ моему́ ны́не, и Сам мя поми́луй, я́ко Благоутро́бен, отце́в Бо́же.

 

Тайны сердца моего исповедал я Тебе, Судии моему, воззри на мое смирение, воззри на скорбь мою, внемли самоосуждению моему ныне и Сам меня помилуй, как Милосердный отцов Боже.

Сау́л иногда́ я́ко погуби́ отца́ своего́, душе́, осля́та, внеза́пу ца́рство обре́те к прослу́тию, но блюди́, не забыва́й себе́, ско́тския по́хоти твоя́ произво́ливши па́че Ца́рства Христо́ва.

Саул некогда, потеряв ослиц отца своего, внезапно обрел царский сан, путь к известности; но смотри же, душа, не забывайся, скотские вожделения твои предпочитая Царству Христову.

Дави́д иногда́ Богооте́ц, а́ще и согреши́ сугу́бо, душе́ моя́, стрело́ю у́бо устреле́н быв прелюбоде́йства, копие́м же плене́н быв уби́йства томле́нием, но ты сама́ тяжча́йшими де́лы неду́гуеши, самохо́тными стремле́ньми.

Давид некогда Богоотец, если и согрешил сугубо, душа моя: уязвлен был прелюбодейства стрелою и, как копьем, был ранен за убийство возмездием, но ты сама тягчайшими тех делами страдаешь – произвольными стремлениями.

Совокупи́ у́бо Дави́д иногда́ беззако́нию беззако́ние, уби́йству же любоде́йство раствори́в, покая́ние сугу́бое показа́ а́бие, но сама́ ты, лука́внейшая душе́, соде́лала еси́, не пока́явшися Бо́гу.

Присоединил Давид некогда беззаконие к беззаконию, убийство к прелюбодеянию примешав, но покаяние сугубое принес вскоре; ты же худшие дела совершила, душа, не раскаявшись пред Богом.

Дави́д иногда́ вообрази́, списа́в я́ко на ико́не песнь, е́юже дея́ние облича́ет, е́же соде́я, зовы́й: поми́луй мя. Тебе́ бо Еди́ному согреши́х всех Бо́гу, Сам очи́сти мя.

Давид некогда начертал, написав, как на иконе, песнь, которою он обличает то, что соделал, взывая: «Помилуй меня, ибо пред Тобою Единым я согрешил, всех Богом. Сам очисти меня!»

Киво́т я́ко ноша́шеся на колесни́це, Зан о́ный, егда́ превра́щшуся тельцу́, то́чию косну́ся, Бо́жиим искуси́ся гне́вом, но того́ дерзнове́ния убежа́вши, душе́, почита́й Боже́ственная че́стне.

Когда везли на колеснице ковчег, Оза, тебе известный, в то время, как в сторону телец свернул, коснувшись только, испытал на себе гнев Божий; но избегай его дерзости, душа, почитай Божественное благоговейно.

Слы́шала еси́ Авессало́ма, ка́ко на естество́ воста́? Позна́ла еси́ того́ скве́рная дея́ния, и́миже оскверни́ ло́же Дави́да отца́, но ты подража́ла еси́ того́ стра́стная и любосла́стная стремле́ния.

Ты слышала об Авессаломе, как он на естество восстал; знаешь его скверные деяния, которыми он обесчестил ложе Давида-отца. Но сама подражала его страстным и сластолюбивым стремлениям.

Покори́ла еси́ нерабо́тное твое́ досто́инство те́лу твоему́, ино́го бо Ахитофе́ла обре́тши врага́, душе́, снизшла́ еси́ сего́ сове́том, но сия́ разсы́па Сам Христо́с, да ты вся́ко спасе́шися.

Покорила ты свободное свое достоинство телу твоему, ибо найдя иного Ахитофела – врага, ты, душа, склонилась на его советы; но их разрушил сам Христос, чтобы ты спаслась всесовершенно.

Соломо́н чу́дный, и благода́ти прему́дрости испо́лненный, сей лука́вое иногда́ пред Бо́гом сотвори́в, отступи́ от Него́: ему́же ты прокля́тым твои́м житие́м, душе́, уподо́билася еси́.

Соломон чудный и дара премудрости преисполненный некогда злое против Бога сотворив, отступил от Него. Ему ты сама, душа, по жизни своей, проклятия достойной, уподобилась.

Сластьми́ влеко́мь страсте́й свои́х оскверня́шеся, увы́ мне, рачи́тель прему́дрости, рачи́тель блу́дных жен и стра́нен от Бо́га, его́же ты подража́ла еси́ умо́м, о душе́, сладостра́стьми скве́рными.

Услаждениями влекомый страстей своих, Соломон осквернился. Увы, ревнитель премудрости стал любителем распутных жен и чуждым для Бога. Ты сама, душа, подражала ему в уме сладострастием скверным.

Ровоа́му поревнова́ла еси́ не послу́шавшему сове́та о́тча, ку́пно же и зле́йшему рабу́ Иеровоа́му, пре́жнему отсту́пнику, душе́, но бе́гай подража́ния и зови́ Бо́гу: согреши́х, уще́дри мя.

Ровоаму поревновала ты, душа, не послушавшему советников отца своего, а вместе и злейшему рабу, Иеровоаму, древнему мятежнику. Но оставь подражание им и взывай к Богу: «Согрешила, пожалей меня!»

Ахаа́вовым поревнова́ла еси́ скве́рнам, душе́ моя́, увы мне, была́ еси́ плотски́х скверн пребыва́лище, и сосу́д сра́млен страсте́й, но из глубины́ твоея́ воздохни́, и глаго́ли Бо́гу грехи́ твоя́.

С Ахавом ты соревновалась в мерзких делах, душа моя, увы мне! Соделалась скверн плотских прибежищем и сосудом постыдных страстей; но из глубины твоей восстенай и поведай Богу грехи твои.

Попали́ Илия́ иногда́ два́щи пятьдеся́т Иезаве́линых, егда́ сту́дныя проро́ки погуби́, во обличе́ние Ахаа́вово, но бе́гай подража́ния двою́, душе́, и укрепля́йся.

Некогда два раза сжигал пятьдесят слуг Иезавели Илия, когда и пророков мерзости он погубил во обличение Ахава; но избегай подражания обоим им, душа, и укрепляйся.

Заключи́ся тебе́ не́бо, душе́, и глад Бо́жий пости́же тя, егда́ Илии́ Фесви́тянина я́коже Ахаа́в, не покори́ся словесе́м иногда́, но Сара́ффии уподо́бився, напита́й проро́чу ду́шу.

Заключено для тебя небо, душа, и голод Божий настиг тебя, как некогда было, когда речам Илии Фесвитянина не покорился Ахав; но Сарептской вдове уподобься: напитай душу пророка.

Манасси́ева собрала́ еси́ согреше́ния изволе́нием, поста́вльши я́ко ме́рзости стра́сти, и умно́живши, душе́, негодова́ние, но того́ покая́нию ревну́ющи те́пле, стяжи́ умиле́ние.

 

Манассиины преступления собрала ты добровольно, воздвигнув вместо мерзостей языческих страсти и умножив тем, душа, на них негодование; но горячо ревнуя его покаянию, стяжи сокрушение.

Припа́даю Ти, и приношу́ Тебе́, я́коже сле́зы глаго́лы моя́: согреши́х, я́ко не согреши́ блудни́ца, и безако́нновах, я́ко и́ный никто́же на земли́, но уще́дри, Влады́ко, творе́ние Твое́, и воззови́ мя.

Припадаю пред Тобою и приношу Тебе, как слезы, слова мои: «Согрешил я, как не согрешила блудница и беззаконие соделал, как никто другой на земле; но помилуй, Владыка, творение Твое и призови меня!»

Погребо́х о́браз Твой, и растли́х за́поведь Твою́, вся помрачи́ся добро́та, и страстьми́ угаси́ся, Спа́се, свеща́, но уще́дрив возда́ждь ми я́коже пое́т Дави́д, ра́дование.

Затемнил я образ Твой и исказил заповедь Твою, вся красота моя помрачилась, и страстями угашен светильник; но смилуйся и возврати мне, Спаситель, как поет Давид, веселие.

Обрати́ся, пока́йся, откры́й сокрове́нная, глаго́ли Бо́гу вся ве́дущему: Ты ве́си моя́ та́йная, еди́не Спа́се, но Сам мя поми́луй, я́коже пое́т Дави́д по ми́лости Твое́й.

Обратись, покайся, открой сокровенное, скажи Богу Всеведущему: «Ты знаешь мои тайны, Единый Спаситель; но Сам меня помилуй, как поет Давид, по милости Твоей!»

Исчезо́ша дни́и мои́, я́ко со́ние востаю́щаго, те́мже, я́ко Езеки́я, слезю́ на ло́жи мое́м, приложи́тися мне ле́том живота́. Но кий Иса́ия предста́нет тебе́, душе́, а́ще не всех Бог?

Исчезли дни мои, как сновидение пробуждающегося, потому как Езекия я плачу на ложе моем, чтобы прибавлено мне было время жизни; но какой Исаия предстанет тебе, душа, если не всех Бог?

Припев: Преподо́бная ма́ти Мари́е, моли́ Бо́га о нас.

 

Возопи́вши к Пречи́стей Богома́тери, пе́рвее отри́нула еси́ неи́стовство страсте́й, ну́жно стужа́ющих, и посрами́ла еси́ врага́ запе́ншаго, но даждь ны́не по́мощь от ско́рби, и мне, рабу́ твоему́.

Воззвав к Пречистой Богоматери, ты прежде отринула неистовство страстей, жестоко свирепствовавших, и посрамила врага-обольстителя; но даруй же ныне помощь в скорби и мне, рабу твоему.

Припев: Преподо́бная ма́ти Мари́е, моли́ Бо́га о нас.

 

Его́же возлюби́ла еси́, Его́же возжеле́ла еси́, Его́же ра́ди плоть изнури́ла еси́ преподо́бная, моли́ ны́не Христа́ о рабе́х, я́ко да ми́лостив быв всем нам, ми́рное состоя́ние да́рует почита́ющим Его́.

Того, Кого возлюбила ты, Кого возжелала, ради Кого ты плоть изнурила, преподобная, моли ныне Христа за рабов, чтобы Он, явив милость Свою, мирное устроение даровал всем нам, почитающим Его.

Припев: Преподо́бне о́тче Андре́е, моли́ Бо́га о нас.

На ка́мени мя ве́ры моли́твами твои́ми утверди́, о́тче, стра́хом мя Боже́ственным огражда́я, и покая́ние, Андре́е, пода́ждь ми, молю́ся ти, и изба́ви мя от се́ти враго́в и́щущих мя.

На камне веры утверди меня ходатайствами твоими, отче, ограждая меня страхом Божественным, и покаяние подай мне ныне, молюсь тебе, Андрей, и избавь меня от сети врагов, меня ищущих.

Сла́ва Отцу́ и Сы́ну и Свято́му Ду́ху. Тро́ице про́стая, неразде́льная, единосу́щная, и Естество́ еди́но, Све́тове, и Свет, и Свята три, и еди́но Свя́то пое́тся Бог Тро́ица, но воспо́й, просла́ви, Живо́т и Животы́, душе́, всех Бо́га.

Троица Простая, Нераздельная, Единосущная и Естеством Единая: как Светы и Свет, и – Три Святых и Единое Святое воспевается Бог Троица; но воспой, прославь Жизнь и Жизни, душа, – всех Бога.

И ны́не, и при́сно и во ве́ки веко́в. Ами́нь. Пое́м Тя, благослови́м Тя, покланя́емся Ти, Богороди́тельнице, я́ко неразде́льныя Тро́ицы породи́ла еси́ еди́наго Христа́ Бо́га и Сама́ отве́рзла еси́ нам су́щим на земли́ Небе́сная.

Воспеваем Тебя, благословляем Тебя, поклоняемся Тебе, Божия Родительница, ибо носила Ты во чреве Единого из Нераздельной Троицы – Христа Бога и Сама открыла нам, живущим на земле, Небесное.

Песнь 8

Ирмос: Его́же во́инства Небе́сная сла́вят, и трепе́щут Херуви́ми и Серафи́ми, вся́ко дыха́ние и тварь, по́йте, благослови́те и превозноси́те во вся ве́ки.

Того, Кого воинства небесные славят, и пред Кем трепещут Херувимы и Серафимы, все что дышит и сотворено, пойте, благословляйте и превозносите во все века!

Припев: Поми́луй мя, Бо́же, поми́луй мя.

Согреши́вша Спа́се поми́луй, воздви́гни мой ум ко обраще́нию, приими́ мя ка́ющагося, уще́дри вопию́ща: согреши́х Ти, спаси́, беззако́нновах, поми́луй мя.

Согрешившего помилуй, Спаситель, воздвигни мой ум ко обращению, прими меня, кающегося, умилосердись к взывающему: «Согрешил я пред Тобою, спаси; беззаконие соделал, помилуй меня!»

Колесни́чник Илия́, колесни́цею доброде́телей вшед, я́ко на небеса́, ноша́шеся превы́ше иногда́ от земны́х: сего́ у́бо душе́ моя́, восхо́д помышля́й.

Возничий Илия, на колесницу добродетелей взойдя, как бы на небеса возносился некогда превыше всего земного; о его восхождении, душа моя, помышляй.

Иорда́нова струя́ пе́рвее, ми́лотию Илиино́ю Елиссе́ем, ста сю́ду и сю́ду: ты же, о душе́ моя́, сея́ не причасти́лася еси́ благода́ти за невоздержа́ние.

Иордана воды милотию (плащём) Илии для Елисея некогда остановилось по ту и другую сторону; ты же, о душа моя, не приобщилась той благодати за невоздержание.

Елиссе́й иногда́ прие́м ми́лоть Илиину́, прия́т сугу́бую благода́ть от Бо́га: ты же о душе́ моя́, сея́ не причасти́лася еси́ благода́ти за невоздержа́ние.

Елисей некогда, приняв милоть Илии, получил сугубую благодать от Бога; ты же, о душа моя, не приобщилась той благодати за невоздержание.

Сомани́тида иногда́ пра́веднаго учреди́, о душе́, нра́вом благи́м: ты же не ввела́ еси́ в дом, ни стра́нна, ни пу́тника. Те́мже черто́га изри́нешися вон, рыда́ющи.

Соманитянка некогда с добрым расположением праведника приняла, ты же, душа, не ввела в свой дом ни чужестранца, ни путника; за то будешь из чертога извержена вон с рыданиями.

Гиези́ев подража́ла еси́ окая́нная ра́зум скве́рный всегда́ душе́, его́же сребролю́бие отложи́ поне́ на ста́рость: бе́гай гее́нскаго огня́, отступи́вши злых твои́х.

Гиезия нечистому нраву всегда подражала ты, несчастная душа; сребролюбие его отринь хотя бы в старости, избегай огня гееннского, отступив от злых дел твоих.

Ты Ози́и душе́ поревнова́вши, сего́ прокаже́ние в себе́ стяжа́ла еси́ сугу́бо: безме́стная бо мы́слиши, беззако́нная же де́еши: оста́ви я́же и́маши, и притецы́ к покая́нию.

Ты Озии, душа, поревновав, его проказу в себе носишь вдвойне, ибо о недолжном мыслишь и беззаконное делаешь. Оставь то, чего держишься, и прибегни к покаянию.

Ниневи́тяны душе́ слы́шала еси́ ка́ющияся Бо́гу, вре́тищем и пе́пелом, сих не подража́ла еси́, но яви́лася еси́ зле́йшая всех, пре́жде зако́на, и по зако́не прегреши́вших.

О ниневитянах слышала ты, душа, каявшихся Богу в рубище и пепле; им ты не подражала, но оказалась упорнее всех, до закона и после закона согрешивших.

В ро́ве бла́та слы́шала еси́ Иереми́ю душе́, гра́да Сио́ня рыда́ньми вопию́ща, и слез и́щуща, подража́й сего́ плаче́вное житие́ и спасе́шися.

Ты слышала о Иеремии, душа, во рве с грязью город Сион оплакивающем, с рыданиями взывавшем и слез искавшем; подражай его плачевной жизни и спасешься.

Ио́на в Фарси́с побеже́, проразуме́в обраще́ние ниневи́тянов, разуме́ бо я́ко проро́к Бо́жие благоутро́бие: те́мже ревнова́ше проро́честву не солга́тися.

Иона в Фарсис бежал, предвидя обращение ниневитян: ибо он знал, как пророк, милосердие Божие, и потому ревностью пламенел, чтобы не явилось пророчество ложным.

Дании́ла в ро́ве слы́шала еси́, ка́ко загради́ уста́, о душе́ звере́й: уве́дела еси́, ка́ко о́троцы и́же о Аза́рии, погаси́ша ве́рою пе́щи пла́мень горя́щий.

Слышала ты, о душа, как Даниил во рве заградил пасти зверей; узнала, как бывшие с Азарией отроки угасили верою печи пламень горящий.

Ве́тхаго Заве́та вся приведо́х ти душе́, к подо́бию, подража́й пра́ведных боголюби́вая дея́ния, избе́гни же па́ки лука́вых грехо́в.

Из Ветхого Завета всех я привел тебе, душа, в пример, подражай праведных богоугодным деяниям, но, напротив, избегай грехов порочных людей.

Правосу́де Спа́се поми́луй, и изба́ви мя огня́, и преще́ния, е́же и́мам на суде́ пра́ведно претерпе́ти: осла́би ми пре́жде конца́, доброде́телию и покая́нием.

Правосудный Спаситель, помилуй и избавь меня от огня и наказания, которое предстоит мне на Суде справедливо претерпеть: дай облегчение мне прежде конца, за добродетель и покаяние.

Я́ко разбо́йник вопию́ Ти: помяни́ мя. Я́ко Петр пла́чу го́рце: осла́би ми Спа́се. Зову́ я́ко мыта́рь: слезю́ я́ко блудни́ца. Приими́ мое́ рыда́ние, я́коже иногда́ ханане́ино.

Как разбойник взываю Тебе: «Помяни меня!» Как Петр плачу горько: «Прости меня, Спаситель!» Зову как мытарь, лью слезы как блудница; прими мое рыдание, как некогда от хананеянки.

Гное́ние, Спа́се, исцели́ смире́нныя моея́ души́: еди́не Врачу́, пла́стырь мне наложи́, и еле́й и вино́, дела́ покая́ния, умиле́ние со слеза́ми.

Гнойные язвы, Спаситель, исцели смиренной моей души, единый Врач, пластырь мне приложи, и елей, и вино – дела покаяния, сокрушение со слезами.

Ханане́ю и аз подража́я, поми́луй мя, вопию́, Сы́не Дави́дов: каса́юся кра́я ри́зы, я́ко кровоточи́вая: пла́чу, я́ко Ма́рфа и Мари́я над Ла́зарем.

Хананеянке подражая, и я: «Помилуй меня», – взываю к Сыну Давидову; касаюсь края ризы, как кровоточивая; плачу, как Марфа и Мария над Лазарем.

Сле́зную Спа́се сткля́ницу, я́ко ми́ро истощава́я на главу́, зову́ Ти я́коже блудни́ца, ми́лости и́щущая, мольбу́ приношу́, и оставле́ние прошу́ прия́ти.

Слез алавастр изливая как миро на главу Твою, Спаситель, взываю к Тебе, как блудница, милости ищущая, мольбу приношу и прошу о получении мною прощения.

А́ще и никто́же, я́коже аз согреши́ Тебе́, но оба́че приими́ и мене́, Благоутро́бне Спа́се, стра́хом ка́ющася, и любо́вию зову́ща: согреши́х Тебе́ еди́ному, поми́луй мя Ми́лостиве.

Если и никто, как я, пред Тобою не согрешил, но все же прими и меня, Милосердый Спаситель, в страхе кающегося и с любовью взывающего: «Согрешил я пред Тобой Единым, беззаконие соделал, помилуй меня!»

Пощади́ Спа́се Твое́ созда́ние, и взыщи́ я́ко Па́стырь поги́бшее, предвари́ заблу́ждшаго, восхи́ти от во́лка, сотвори́ мя овча́ на па́стве Твои́х ове́ц.

Пощади, Спаситель, Свое создание и разыщи, как Пастырь, овцу пропавшую, заблудившегося спаси от волка, соделай меня ягненком на пастбище Твоих овец.

Егда́ Судие́ ся́деши я́ко Благоутро́бен, и пока́жеши стра́шную сла́ву Твою́ Спа́се: о каковы́й страх тогда́! Пе́щи горя́щей, всем боя́щимся нестерпи́маго суди́ща Твоего́.

Когда Ты сядешь как Судия Милостивый и покажешь страшную славу Твою, Христе, – о, какой будет страх тогда! Печь будет гореть и всё будет трепетать пред величием Твоего суда!

Припев: Преподо́бная ма́ти Мари́е, моли́ Бо́га о нас.

Све́та незаходи́маго Ма́ти, тя просвети́вши, от омраче́ния страсте́й разреши́. Те́мже вше́дши в духо́вную благода́ть, просвети́ Мари́е, тя ве́рно восхваля́ющия.

Света Незаходимого Матерь, тебя просветив, освободила от страстей омрачения; потому, приняв Духа благодать, просвети, Мария, с верою тебя восхваляющих.

Припев: Преподо́бная ма́ти Мари́е, моли́ Бо́га о нас.

Чу́до но́во ви́дев, ужаса́шеся боже́ственный в тебе́ вои́стинну ма́ти Зоси́ма: а́нгела бо зря́ше во пло́ти, и у́жасом весь исполня́шеся, Христа́ поя́ во ве́ки.

Чудо новое узрев в тебе, матерь, воистину вне себя был божественный Зосима, ибо Ангела во плоти он видел, и изумлением весь исполнялся, воспевая Христа вовеки.

Припев: Преподо́бне о́тче Андре́е, моли́ Бо́га о нас.

Я́ко дерзнове́ние имы́й ко Го́споду, Андре́е Кри́тский честна́я похвало́, молю́, моли́ся разреше́ние от уз беззако́ния ны́не обрести́ мне моли́твами твои́ми, я́ко покая́ния учи́тель, и преподо́бных сла́ва.

Как дерзновение имеющий ко Господу, Андрей, священная Крита похвала! Ходатайствуй, чтобы обрел я ныне по твоим молитвам от уз беззакония освобождение, молю тебя, учитель покаяния и преподобных слава!

Благослови́м Отца́, и Сы́на, и Свята́го Ду́ха, Го́спода. Безнача́льне О́тче, Сы́не собезнача́льне, Уте́шителю Благи́й, Ду́ше Пра́вый: Сло́ва Бо́жия Роди́телю, Отца́ безнача́льна Сло́ве, Ду́ше живы́й и зи́ждяй, Тро́ице Еди́нице, поми́луй мя.

Безначальный Отче, Сын собезначальный, Утешитель благой, Дух правды; Слова Божия Родитель, Отца безначальное Слово, Дух живой и созидающий, Троица-Еди́ница, помилуй меня.

 

И ны́не, и при́сно, и во ве́ки веко́в, ами́нь. Я́ко от оброще́ния червлени́цы Пречи́стая, у́мная багряни́ца Емману́илева, внутрь во чре́ве Твое́м плоть истка́ся. Те́мже Богоро́дицу вои́стинну Тя почита́ем.

Как бы из пурпурного состава, Пречистая, мысленная багряница – плоть Эммануила внутри чрева Твоего соткалась; потому мы Тебя, Богородицу, истинно почитаем.

 

Хва́лим, благослови́м, покланя́емся Го́сподеви, пою́ще и превознося́ще во вся ве́ки.

 

Ирмос: Его́же во́инства Небе́сная сла́вят, и трепе́щут Херуви́ми и Серафи́ми, вся́ко дыха́ние и тварь, по́йте, благослови́те и превозноси́те во вся ве́ки.

Того, Кого воинства небесные славят, и пред Кем трепещут Херувимы и Серафимы, все что дышит и сотворено, пойте, благословляйте и превозносите во все века!

Песнь 9

Ирмос: Безсе́меннаго зача́тия Рождество́ несказа́нное, Ма́тере безму́жныя нетле́нен Плод, Бо́жие бо рожде́ние обновля́ет естества́. Те́мже Тя вси ро́ди, я́ко Богоневе́стную Ма́терь, правосла́вно велича́ем.

От зачатия без семени рождение неизъяснимо, у Матери, не знавшей мужа, непорочен Плод: ибо обновляет Божие рождение законы естества. Потому Тебя мы, все роды, как Бога нашего Матерь православно величаем.

Припев: Поми́луй мя, Бо́же, поми́луй мя.

Ум острупи́ся, те́ло оболе́знися, неду́гует дух, сло́во изнемо́же, житие́ умертви́ся, коне́ц при две́рех. Те́мже, моя́ окая́нная душе́, что сотвори́ши, егда́ прии́дет Судия́ испыта́ти твоя́?

Ум изранен, тело расслаблено, болезнует дух, слово изнемогло, жизнь омертвела, конец при дверях. Итак, несчастная душа моя, что сотворишь, когда придет Судия испытать дела твои?

Моисе́ово приведо́х ти, душе́, миробы́тие, и от того́ все заве́тное писа́ние, пове́дающее тебе́ пра́ведныя и непра́ведныя; от ни́хже вторы́я, о душе́, подража́ла еси́, а не пе́рвыя, в Бо́га согреши́вши.

Моисееву книгу о происхождении мира воспроизвел я пред тобою, душа, и за ней – все сокровенное Писание, повествующее о праведных и неправедных; из них вторым, о душа, ты подражала, а не первым, перед Богом согрешив.

Зако́н изнемо́же, пра́зднует Ева́нгелие, писа́ние же все в тебе́ небреже́но бысть, проро́цы изнемого́ша, и все пра́ведное сло́во: стру́пи твои́, о душе́, умно́жишася, не су́щу врачу́ исцеля́ющему тя.

Закон обессилел, бездействует Евангелие, и все Писание у тебя в пренебрежении: пророки потеряли силу и всякое праведника слово. Язвы твои, о душа, умножились, и нет врача, исцеляющего тебя!

Но́ваго привожду́ ти писа́ния указа́ния, вводя́щая тя, душе́, ко умиле́нию; пра́ведным у́бо поревну́й, гре́шных же отвраща́йся, и уми́лостиви Христа́ моли́твами же и поще́ньми, и чистото́ю, и гове́нием.

Новозаветного Писания привожу тебе примеры, приводящие тебя, душа, в сокрушение. Итак, праведным поревнуй, от грешных же отвращайся, и умилостивь Христа молитвою, и постом, и чистотою, и благоговением.

Христо́с вочелове́чися, призва́в к покая́нию разбо́йники и блудни́цы, душе́, пока́йся, дверь отве́рзеся Ца́рствия уже́, и предвосхища́ют е́ фарисе́е и мытари́, и прелюбоде́и ка́ющиися.

Христос, вочеловечившись, призвал к покаянию разбойников и блудниц. Душа, покайся: дверь Царства отверста уже, и первыми восхищают его фарисеи, и мытари, и прелюбодеи кающиеся.

Христо́с вочелове́чися, пло́ти приобщи́вся ми, и вся, ели́ка суть естества́ хоте́нием испо́лни греха́ кроме́, подо́бие тебе́, о душе́, и о́браз предпоказу́я Своего́ снизхожде́ния.

Христос, вочеловечившись, призвал к покаянию разбойников и блудниц. Душа, покайся: дверь Царства отверста уже, и первыми восхищают его фарисеи, и мытари, и прелюбодеи кающиеся.

Христо́с волхвы́ спасе́, па́стыри созва́, младе́нец мно́жества показа́ му́ченики, ста́рцы просла́ви и ста́рыя вдови́цы, и́хже не поревнова́ла еси́, душе́, ни дея́нием, ни житию́, но го́ре тебе́, внегда́ бу́деши суди́тися.

Христос волхвов спас, пастырей созвал, множество младенцев соделал мучениками, старца прославил и престарелую вдовицу. Ни их деяниям, ни жизни не подражала ты, душа; но горе тебе, когда на Суд предстанешь.

Пости́вся Госпо́дь дний четы́редесять в пусты́ни, последи́ взалка́, показу́я челове́ческое, душе́, да не разлени́шися, а́ще тебе́ приложи́тся враг, моли́твою же и посто́м от ног твои́х да отрази́тся.

Постился Господь сорок дней в пустыне, и наконец захотел пищи, обнаруживая в Себе естество человеческое. Душа, не унывай: если на тебя устремится враг, молитвою и постом от ног твоих да отразится.

Христо́с искуша́шеся, диа́вол искуша́ше, показу́я ка́мение, да хле́би бу́дут: на го́ру возведе́ ви́дети вся ца́рствия ми́ра во мгнове́нии. Убо́йся, о душе́, ловле́ния, трезви́ся моли́ся на вся́кий час Бо́гу.

Христос был искушаем: диавол искушал Его, показывая камни, да превратит их в хлебы; возвел Его на гору, да узрит все царства мира в одно мгновение; бойся, о душа, дела сего, трезвись и молись ежечасно Богу.

Го́рлица пустынолю́бная, глас вопию́щаго возгласи́, Христо́в свети́льник, пропове́дуяй покая́ние, И́род беззако́ннова со Иродиа́дою. Зри, душе́ моя́, да не увя́знеши в беззако́нныя се́ти, но облобыза́й покая́ние.

Горлица пустыннолюбивая, голос вопиющего возгласил, Христов светильник, проповедуя покаяние; но Ирод сотворил беззаконие с Иродиадой: смотри, душа моя, не запутайся в сетях беззаконников, но возлюби покаяние.

В пусты́ню всели́ся благода́ти Предте́ча, и Иуде́я вся и Самари́я слы́шавше теча́ху, и испове́даху грехи́ своя́, креща́ющеся усе́рдно, и́хже ты не подража́ла еси́, душе́.

В пустыне поселился благодати Предтеча, и со всей Иудеи и Самарии слушавшие его стекались и исповедывали грехи свои, крещение принимая усердно. Но ты им не подражала, душа.

Брак у́бо честны́й и ло́же нескве́рно, обоя́ бо Христо́с пре́жде благослови́, пло́тию яды́й, и в Ка́не же на бра́це во́ду в вино́ соверша́я, и показу́я пе́рвое чу́до, да ты измени́шися, о душе́.

Брак – честен и ложе – непорочно, ибо Христос их некогда благословил, плотию пищу вкушая, и в Кане на браке воду в вино претворяя, и показав это первое чудо, чтобы ты изменилась, о душа.

Разсла́бленнаго стя́гну Христо́с, одр взе́мша, и ю́ношу уме́рша воздви́же, вдови́че рожде́ние, и со́тнича о́трока, и самаряны́не яви́ся, в Ду́се слу́жбу Тебе́, душе́, предживописа́.

Расслабленного укрепил Христос, свое ложе поднявшего, и юношу умершего воздвиг – чадо вдовицы, как и отрока сотника; и, самарянке открывшись, в Духе служение Богу тебе, душа, предначертал.

Кровоточи́вую исцели́ прикоснове́нием кра́я ри́зна Госпо́дь, прокаже́нныя очи́сти, слепы́я и хромы́я просвети́в, испра́ви, глухи́я же и немы́я, и нича́щия ни́зу исцели́ сло́вом, да ты спасе́шися, окая́нная душе́.

Кровоточивую исцелил прикосновением к краю одежды Господь, прокаженных очистил, слепых и хромых, просветив, исправил, глухих же и немых, и согбенную исцелил словом, дабы ты спаслась, несчастная душа.

Неду́ги исцеля́я, ни́щим благовествова́ше, Христо́с Сло́во, вре́дныя уврачева́, с мытари́ ядя́ше, со гре́шники бесе́доваше, Иаи́ровы дще́ре ду́шу предуме́ршую возврати́ осяза́нием руки́.

Недуги исцеляя, нищим благовествовал Христос-Слово; увечных исцелял, с мытарями вкушал, с грешниками беседовал; Иаировой дочери душу, уже отшедшую, возвратил прикосновением руки.

Мыта́рь спаса́шеся и блудни́ца целому́дрствоваше, и фарисе́й хваля́ся осужда́шеся; ов у́бо, очи́сти мя; о́ва же, поми́луй мя. Сей же велича́шеся, вопия́ безу́мныя глаго́лы.

Мытарь спасся и блудница стала целомудренной, а хвалящийся фарисей подвергся осуждению. Ибо первый взывал: «Будь милостив ко мне!» Вторая: «Помилуй меня!» А последний кичился, возглашая безумные глаголы.

Закхе́й мыта́рь бе, но оба́че спаса́шеся, и фарисе́й Си́мон соблажня́шеся, и блудни́ца приима́ше оста́вительная разреше́ния, от Иму́щаго кре́пость оставля́ти грехи́; ю́же, душе́, потщи́ся подража́ти.

Закхей был мытарем, но, однако, обрел спасение, фарисей же Симон соблазнялся, а блудница получала совершенное отпущение от Имеющего власть прощать грехи; поспеши, душа, и ты ей подражать.

Блудни́це, о окая́нная душе́ моя́, не поревнова́ла еси́, я́же прии́мши ми́ра алава́стр, со слеза́ми ма́заше но́зе Спа́сове, отре́ же власы́ дре́вних согреше́ний рукописа́ние раздира́ющаго ея́.

Блуднице, о несчастная душа моя, не подражала ты, той, что, взяв с миром алавастр, со слезами помазала и отерла волосами ноги Господа, разорвавшего рукописание прежних согрешений ее.

Гра́ды, и́мже даде́ Христо́с благове́стие, душе́ моя́, уве́дала еси́, ка́ко про́кляти бы́ша. Убо́йся указа́ния, да не бу́деши я́коже о́ны, и́хже Содо́мляном Влады́ко уподо́бив, да́же до а́да осуди́.

Города, которые отвергли Христово Евангелие, знаешь, как прокляты были, душа моя; страшись этого примера, не окажись, как они, ибо Владыка, Содому их уподобив, даже до ада осудил.

Да не го́ршая, о душе́ моя́, яви́шися отча́янием, ханане́и ве́ру слы́шавшая, ея́же дщи сло́вом Бо́жиим исцели́ся. Сы́не Дави́дов, спаси́ и мене́, воззови́ из глубины́ се́рдца, я́коже она́ Христу́.

Не явись хуже хананеянки, о душа моя, за отчаяние, слышав о вере, по которой дочь ее исцелилась Божиим словом. «Сын Давидов, спаси и меня!» – воззови из глубины сердца, как она Христу.

Умилосе́рдися, спаси́ мя, Сы́не Дави́дов, поми́луй, бесну́ющияся сло́вом исцели́вый, глас же благоутро́бный, я́ко разбо́йнику, мне рцы: ами́нь, глаго́лю тебе́, со Мно́ю бу́деши в раи́, егда́ прииду́ во сла́ве Мое́й.

Умилосердись, спаси меня, Сын Давидов, помилуй, беснующихся словом исцеливший; и глас милосердный мне, как разбойнику, изреки: «Истинно говорю тебе, со Мною будешь в раю, когда приду во славе Моей!»

Разбо́йник оглаго́ловаше Тя, разбо́йник Богосло́вяше Тя, о́ба бо на кресте́ сви́сяста, но, о Благоутро́бне, я́ко ве́рному разбо́йнику Твоему́, позна́вшему Тя Бо́га, и мне отве́рзи дверь сла́внаго Ца́рствия Твоего́.

Один разбойник поносил Тебя, а другой разбойник Богом исповедал Тебя, – а ведь оба рядом с Крестом Твоим висели; но, о Всемилостивый, как разбойнику, уверовавшему в Тебя и познавшему в Тебе Бога, и мне отверзи дверь славного Царства Твоего.

Тварь содрога́шеся распина́ема Тя ви́дящи, го́ры и ка́мения стра́хом распада́хуся, и земля́ сотряса́шеся, и ад обнажа́шеся, и соомрача́шеся свет во дни, зря Тебе́, Иису́се, пригвожде́на ко Кресту́.

Творение страдало, распинаемым Тебя видя: горы и камни от ужаса распадались, и земля сотрясалась, и ад богатства лишался, и помрачался свет дневной, взирая на Тебя, Иисусе, пригвожденного ко Кресту.

Досто́йных покая́ния плодо́в не истяжи́ от мене́, и́бо кре́пость моя́ во мне оскуде́, се́рдце мне да́руй при́сно сокруше́нное, нищету́ же духо́вную, да сия́ Тебе́ принесу́, я́ко прия́тную же́ртву, еди́не Спа́се.

Достойных плодов покаяния от меня не потребуй, ибо сила моя оскудела во мне; сердце мне даруй всегда сокрушенное и нищету духовную, чтобы я Тебе их принес как благоприятную жертву, единый Спаситель.

Судие́ мой и Ве́дче мой, хотя́й па́ки приити́ со а́нгелы, суди́ти ми́ру всему́, ми́лостивным Твои́м о́ком тогда́ ви́дев мя, пощади́ и уще́дри мя, Иису́се, па́че вся́каго естества́ челове́ча согреши́вша.

Судия мой и знающий все обо мне! Ты хочешь со Ангелами снова придти чтобы суд совершить над всем миром; милостивым Твоим оком тогда воззрев на меня, пощади и смилуйся надо мной, Иисусе, более всего рода человеческого согрешившим.

Припев: Преподо́бная ма́ти Мари́е, моли́ Бо́га о нас.

 

Удиви́ла еси́ всех стра́нным житие́м твои́м, а́нгелов чи́ны и челове́ков собо́ры, невеще́ственно пожи́вши и естество́ преше́дши, и́мже, я́ко невеще́ственныма нога́ма вше́дши, Мари́е, Иорда́н прешла́ еси́.

Изумила ты всех необычным житием твоим: и Ангелов воинства, и людей сообщества, живя как бесплотная и наше естество превзойдя. Потому, словно невещественная шествуя, Мария, Иордан ты как по суху ногами перешла.

Припев: Преподо́бная ма́ти Мари́е, моли́ Бо́га о нас.

 

Уми́лостиви Созда́теля о хва́лящих тя, преподо́бная ма́ти, изба́витися озлобле́ний и скорбе́й о́крест напа́дающих, да изба́вившеся от напа́стей, возвели́чим непреста́нно просла́вльшаго тя Го́спода.

 

Умилостивь Творца о восхваляющих тебя, преподобная матерь, да избавятся от бед и скорбей, отовсюду на них нападающих; чтобы мы, от искушений избавленные, величали непрестанно прославившего тебя Господа.

Припев: Преподо́бне о́тче Андре́е, моли́ Бо́га о нас.

 

Андре́е честны́й, и о́тче треблаже́ннейший, па́стырю Кри́тский, не преста́й моля́ся о воспева́ющих тя, да изба́вимся вси гне́ва и ско́рби, и тле́ния, и прегреше́ний безме́рных, чту́щии твою́ па́мять ве́рно.

Андрей досточтимый и отче треблаженнейший, пастырь Критский! Не переставай молиться о воспевающих тебя, да избавимся все мы от гнева, и скорби, и тления, и согрешений безмерных, чтущие твою память с верою.

Сла́ва Отцу́ и Сы́ну и Свято́му Ду́ху. Тро́ице единосу́щная, Е́динице триипоста́сная, Тя воспева́ем, Отца́ сла́вяще, Сы́на велича́юще, и Ду́ху покланя́ющеся, еди́ному Естеству́ вои́стину Бо́гу, Жи́зни же и живу́щему Ца́рству бесконе́чному.

Троица единосущная, Единство в трех Ипостасях! Тебя мы воспеваем, Отца славя, Сына величая, и Духу поклоняясь, поистине единому по природе Богу, Жизни и Жизням, Царству бесконечному.

И ны́не, и при́сно и во ве́ки веко́в. Ами́нь. Град Твой сохраня́й, Богороди́тельнице Пречи́стая, в Тебе́ бо сей ве́рно ца́рствуяй, в Тебе́ и утвержда́ется, и Тобо́ю побежда́яй, побежда́ет вся́кое искуше́ние, и пленя́ет ра́тники, и прохо́дит послуша́ние.

Град Твой сохраняй, Божия Родительница Пречистая. Ибо под Твоею защитой он с верою царствует, и от Тебя получает крепость, и при Твоем содействии победоносно отражает всякое искушение, и берет в плен неприятелей, и держит их в послушании.

Ирмос: Безсе́меннаго зача́тия Рождество́ несказа́нное, Ма́тере безму́жныя нетле́нен Плод, Бо́жие бо рожде́ние обновля́ет естества́. Те́мже Тя вси ро́ди, я́ко Богоневе́стную Ма́терь, правосла́вно велича́ем.

От зачатия без семени рождение неизъяснимо, у Матери, не знавшей мужа, непорочен Плод: ибо обновляет Божие рождение законы естества. Потому Тебя мы, все роды, как Бога нашего Матерь православно величаем.

Великий покаянный канон святителя Андрея Критского  

Великий покаянный канон святителя Андрея Критского полностью прочитывается на утрени в четверг 5-й седмицы Великого поста (по сложившейся традиции в среду вечером) на богослужении, именуемом «Мариино стояние».

Подробнее...


Слово Святейшего Патриарха Кирилла

Мульткалендарь

 

Расписание богослужений

Кафедральный Михаило-Архангельский собор г. Кокшетау

       

joomplu:5966 Крестный подвиг Самого Христа Спасителя открыл нам и смысл бытия, и жизненные цели. Не следует бояться подвигов, не следует бояться трудностей. Укрепляемые верой, укрепляемые Божественной благодатью, которая даруется нам в Церкви, мы можем совершать не просто добрые дела, но такие дела, которые и нас двигают вперед и вверх, и тех, кто находится рядом с нами. Покуда будет это движение вперед и вверх, будет продолжаться и жизнь рода человеческого. А поскольку во главе этого движения – Церковь Божия, вдохновляемая подвигом Христа Спасителя, то именно поэтому особая ответственность лежит на всех нас… Наше служение – это не легкая комфортная прогулка по жизни. Наше служение должно быть и по сути является подвигом. И осознать это означает обрести силу и способность осуществлять то, к чему мы призваны.

Ссылки

Православное христианство.ru. Каталог православных ресурсов сети интернет     Официальный сайт Русской Православной Церкви / Патриархия.ru     Русская Православная Церковь в КазахстанеПетропавловская и Булаевская Епархия     Астанайское Церковное благочиние    

 



 

 

 


Кокшетауская и Акмолинская Епархия, Православная Церковь в Казахстане.